Vyjšli na volu Aleh Rudakoŭ z žonkaj, ich źbirajucca departavać
Były kiraŭnik Tavarystva biełaruskaj kultury ŭ Irkucku Aleh Rudakoŭ i jahonaja žonka Volha vyjšli na volu paśla 30 sutak aryštu, paviedamlaje ahienctva BPN. «Aleha i Volhu adpuścili niekalki dzion tamu, ale skazali rychtavacca da suda pa departacyi ŭ Rasiju», — cytuje «Radyjo Svaboda» surazmoŭcu ahienctva.
Muž i žonka Rudakovy byli zatrymanyja 24 žniŭnia ŭ Połackim rajonie i asudžanyja pa art. 19.11 KaAP (raspaŭsiudžvańnie ekstremisckich materyjałaŭ).
Rudakovych zatrymali ŭ ich domie ŭ vioscy Biaździedavičy.
«Milicyja skazała, što ich adviazuć u horad na razmovu hadziny na try, tamu jany nie brali z saboj źmiennych rečaŭ i srodkaŭ hihijeny».
Ale ich padmanuli, asudziŭšy na 30 sutak aryštu kožnaha.
Aleh Rudakoŭ naradziŭsia ŭ Biełarusi. Bolš za 30 hadoŭ pražyŭ u Rasii, stvaryŭ i na praciahu 17 hadoŭ uznačalvaŭ u Irkucku Tavarystva biełaruskaj kultury imia Jana Čerskaha.
U 2020 hodzie kančatkova viarnuŭsia ŭ Biełaruś. Jaho žonka Volha viadzie majstar-kłasy pa tradycyjnym biełaruskim hafcie ŭ połackim Muziei tradycyjnaha ručnoha tkactva Paazierja.
U krasaviku 2010 hoda ŭkazam Alaksandra Łukašenki Rudakoŭ byŭ uznaharodžany miedalom Francyska Skaryny «za zasłuhi va ŭmacavańni kulturnych suviaziej pamiž Biełaruśsiu i Rasijaj, vialiki asabisty ŭniosak u zachavańnie tradycyj biełaruskaj kultury».
Ciapier čytajuć
«Na 15 chvilin vyklučyli śviatło — boža moj, z Ukrainaj paraŭnali». Łukašenka patłumačyŭ, kolki ekanomić na vuličnym aśviatleńni19
Kamientary