U Polščy zatrymali dvuch biełarusaŭ, jakija ŭčynili sieryju ŭzbrojenych rabavańniaŭ
«Padčas adnaho z nalotaŭ pahražali achoŭniku pistaletam».
Palicyja Urocłava niadaŭna paviedamiła ab aryšcie dvaich hramadzian Biełarusi, jakija ŭčyniali ŭzbrojenyja naloty na abjekty pryvatnaj i hramadskaj ułasnaści z metaj rabavańnia.
Uzrost abvinavačvanych mužčyn — 24 i 28 hadoŭ. Ich zatrymali na zdymnaj kvatery va Urocłavie.
Pry vobšuku ŭ kvatery byli znojdzienyja elektrašokier, bojeprypasy da pistaleta i sam pistalet, jakimi biełarusy karystalisia padčas rabavańniaŭ.
«Abvinavačvanyja ŭryvalisia na aŭtamyjki samaabsłuhoŭvańnia, u praduktovyja kramy i miescy hramadskaha charčavańnia, kab uzłomvać kasy z najaŭnymi. Padčas adnaho z takich nabiehaŭ rabaŭniki pahražali miascovamu achoŭniku pistaletam i prymušali jaho da padparadkavańnia.
Usiaho biełarusam inkryminujecca piać dakazanych faktaŭ kradziažoŭ z uzłomam z vykarystańniem zbroi. Jany byli ŭziatyja pad vartu», — aficyjna paviedamiła ŭrocłaŭskaja palicyja.
Jak adznačajecca, vybar niekatorych miescaŭ dla złačynstvaŭ byŭ nievypadkovym, bo adzin z abvinavačvanych pracavaŭ na aŭtamyjcy, jakaja paśla była abrabavanaja im i jaho saŭdzielnikam.
Za ŭčynienyja sieryjnyja złačynstvy dvaim biełarusam pahražaje da 10 hadoŭ pazbaŭleńnia voli.
Ciapier čytajuć
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski29
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2626
Kamientary