Śviet22

Maja Sandu: Jaŭhien Pryhožyn płanavaŭ pieravarot u Małdovie

«My nie možam hulać u šachmaty z ruskimi, kali jany nosiać baksiorskija palčatki», — zajaviła prezidentka Małdovy.

Vahnieraŭcy ŭ Rastovie-na-Donie padčas miaciažu Jaŭhiena Pryhožyna. 24 červienia 2023 hoda. Fota: Fota: Arkady Budnitsky / Anadolu Agency via Getty Images

Prezidentka Maja Sandu śćviardžaje, što zasnavalnik PVK «Vahnier» Jaŭhien Pryhožyn, jaki zahinuŭ u žniŭni ŭ vyniku avijakatastrofy ŭ Ćviarskoj vobłaści, płanavaŭ dziaržaŭny pieravarot u Małdovie ŭ pačatku hoda, ale jaho ŭdałosia praduchilić. Pra heta Sandu raspaviała ŭ intervju Financial Times, piša Newsmaker.md.

«Heta byŭ płan, padrychtavany kamandaj [Pryhožyna]. Jany chacieli, kab antyŭradavyja pratesty stali hvałtoŭnymi», — skazała prezident Małdovy.

Pavodle jaje słoŭ, «Rasija źbirajecca pavialičyć cisk na Małdovu».

«Jany sprabavali vykarystoŭvać haz, ale ŭ ich nie vyjšła. Jany sprabavali zrynuć uładu, i im heta nie ŭdałosia. A ciapier jany sprabujuć masava ŭmiašacca ŭ našy vybary, vykarystoŭvajučy vialikija sumy hrošaj», — skazała Sandu.

U mai Jeŭrasajuz uvioŭ sankcyi suprać prarasijskaha aliharcha Iłana Šora «za destabilizacyju situacyi ŭ Małdovie». Praź miesiac jaho partyju pryznali niekanstytucyjnaj. Na hetym tydni Sandu źviarnułasia da jeŭrapiejskich lidaraŭ z prośbaj uvieści sankcyi suprać kampanij, źviazanych z Šoram, jakija jon vykarystoŭvaje dla pieravodu hrošaj u krainu.

«My nie možam hulać u šachmaty z ruskimi, kali jany nosiać baksiorskija palčatki», — zajaviła Maja Sandu.

Jana raspaviała, što śpiecsłužby Małdovy adsačyli prynamsi €20 młn, jakija Rasija zaviezła ŭ krainu dla vykarystańnia ŭ palityčnych metach, ale realnaja ličba jašče vyšejšaja.

«Instrumienty, jakija jany vykarystoŭvali dla ŭvozu hrošaj, vielmi raznastajnyja. Na praciahu niekatoraha času my bačyli, što hramadzian Małdovy adpraŭlali ŭ Maskvu na samalotach praz Hruziju. I kožny z hetych ludziej viartaŭsia i vioz pa €10 tys. Apošnim časam my bačym, što jany pryvoziać bankaŭskija kartki, vypuščanyja ŭ Dubai. Jany prosta razdajuć tysiačy kartak. Bankaŭskija kartki dla ludziej, jakich jany sprabujuć padkupić», — zajaviła prezident Małdovy.

13 lutaha Maja Sandu zajaviła, što Rasija płanuje ździejśnić u Małdovie dziaržaŭny pieravarot z dapamohaj pratestaŭ apazicyi i z pryciahnieńniem ludziej z vajskovaj padrychtoŭkaj.

Zajava Sandu prahučała praź niekalki dzion paśla taho, jak Uładzimir Zialenski, vystupajučy ŭ Brusieli na pasiadžeńni Jeŭrapiejskaj rady, raspavioŭ, što prainfarmavaŭ Sandu, što ŭkrainskaj raźviedcy «ŭdałosia pierachapić detalovy rasijski płan destabilizacyi palityčnaj situacyi ŭ Małdovie».

Kamientary2

  • Tipok Vahnierok
    07.10.2023
    Da i mnoho čieho chorošieho płanirovał Chajl Pietrovič! K sožaleniju, Indrahuziju na ziemle užie nie postroiť. No eto nie značit, čto my nie budiem pytaťsia ;)
  • Frajerok
    07.10.2023
    Tipok Vahnierok, idi snačała poprobuj prospaťsia, kłoun nakuvałdiennyj. Vami rukovodił opuŝiennyj, jeśli eto dla tiebia čto to značit
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Pamiatajecie paru studentki i vykładčyka, dzie jon starejšy na 31 hod? Akazvajecca, jon byŭ śviatarom, a jana vučyłasia na rehientku3

Pamiatajecie paru studentki i vykładčyka, dzie jon starejšy na 31 hod? Akazvajecca, jon byŭ śviatarom, a jana vučyłasia na rehientku

Usie naviny →
Usie naviny

Pucin źmianiŭ mety ŭ vajnie — amierykanskaja raźviedka9

Valeryj Capkała raskazaŭ, čym ciapier zajmajecca16

Partyju, jakuju aktyŭna padtrymlivajuć łukašysty, pryznali ekstremisckaj u Hiermanii43

Błohiera Biaspałava zavočna asudzili na 18 hadoŭ. Suma kampiensacyi źmienšyłasia ŭ šmat razoŭ2

Turysty kupili tur u Ryhu, praviali 36 hadzin u aŭtobusie, ale navat nie trapili ŭ Jeŭrasajuz10

Prapahandyst ANT pachvaliŭsia, jak razhavaryŭ dla svajho filma biełarusaŭ zamiežža. Nasamreč jon navat nie razmaŭlaŭ ź imi6

Skandalny minski restaran źmianiŭ nazvu, ale ŭłaśniki brenda ŭsio roŭna niezadavolenyja

Biełarus niekalki razoŭ paśpiachova pryjazdžaŭ z Polščy na radzimu. A ŭ apošni raz nie zmoh vyjechać praz palityčnuju kryminałku25

Biełaruskich školnikaŭ buduć vučyć kiravać dronami13

bolš čytanych navin
bolš łajkanych navin

Pamiatajecie paru studentki i vykładčyka, dzie jon starejšy na 31 hod? Akazvajecca, jon byŭ śviatarom, a jana vučyłasia na rehientku3

Pamiatajecie paru studentki i vykładčyka, dzie jon starejšy na 31 hod? Akazvajecca, jon byŭ śviatarom, a jana vučyłasia na rehientku

Hałoŭnaje
Usie naviny →

Zaŭvaha:

 

 

 

 

Zakryć Paviedamić