«CHAMASu budzie kaniec». Biełaruskaja piensijanierka, što zdymałasia ŭ Dudzia, ciapier dapamahaje izrailskaj armii
Biełaruskaja błohierka Alaksandra Chanievič apynułasia ŭ Izraili padčas ataki CHAMAS. Jana prylacieła na adpačynak, ale, zaśpieŭšy vajnu, pajechała dapamahać izrailskamu vojsku. Pra svajo vałanciorstva jana raskazała na jutub-kanale, piša «Most».
Spačatku Alaksandra pajechała ŭ kramu, kab nabyć nieabchodnyja sałdatam rečy. U zonu bajavych dziejańniaŭ adpraŭlajuć vadu, pradukty charčavańnia, škarpetki, majki i inšaje. Zatym u kramie jana dapamahała składvać u pakiety nabytaje dla vojska inšymi vałanciorami.
— Mianie vielmi ŭraziła, što mnohija izrailcianie kuplali ŭ mahazinach šmat čaho dla sałdat… U kožnaha ŭ košyku byli tavary na tysiaču, dźvie i navat try šekielaŭ. Stajała zboku, dapamahała ludziam składać, — skazała jana.
Potym błohierka pajechała da sałdat.
— My byli amal u zonie bajavych dziejańniaŭ. Piać kiłamietraŭ nie dajechali da siektara Haza, — raspaviała jana. — Dalej ujezd byŭ zabaronieny. Ale sałdaty vyjazdžajuć z zony bajavych dziejańniaŭ na adpačynak, i im atrymoŭvajecca ŭsio pieradavać.
U mašynie Alaksandra padvoziła izrailskaha chłopca. Jon niadaŭna adsłužyŭ u vojski i zjechaŭ na adpačynak u Tajłand. Jakraz u hety čas pačałasia vajna. Jon adrazu viarnuŭsia i pajechaŭ u zonu bajavych dziejańniaŭ. Alaksandra kaža, što sałdaty nastrojeny vielmi pa-bajavomu.
Na svaim šlachu Alaksandra bačyła łahiery, u jakich raźmiaščajuć paciarpiełych ad ataki CHAMAS.
— Vielmi šmat paranienych. Cełyja łahiery. Nasustrač nam lacieli mašyny chutkaj dapamohi. Samych ciažkich adpraŭlajuć u balnicy. Heta žudasna — bačyć takoje ŭ XXI stahodździ.
Błohierka źviarnuła ŭvahu na vialikuju salidarnaść i zhurtavanaść izrailskaha hramadstva:
— Takoj salidarnaści ja nie bačyła. Taki narod pieramahčy niama nijakich šancaŭ, — skazała Alaksandra.
— Tak što izrailcianie pieramohuć hetych terarystaŭ. Abaviazkova. CHAMASu budzie kaniec, — reziumavała jana.
Alaksandra Chanievič z Hrodna, joj 71 hod. U Hrodnie na piensii jana ŭznačalvała vieteranskuju arhanizacyju.
U 2020 hodzie zatrymańnie błohiera Siarhieja Cichanoŭskaha i hvałt suprać mirnych hramadzian z boku siłavikoŭ pieraviarnuli žyćcio žančyny. Alaksandra stała vychodzić na pratesty, jaje dvojčy aryštoŭvali, trymali ŭ turmie. Bajučysia čarhovaha aryštu, žančyna vymušana była biehčy ŭ Polšču razam z synam.
Praz hod dla svajho vypusku pra Biełaruś žančyna źniałasia ŭ prahramie Juryja Dudzia pra biełaruskija pratesty.
«Jak my tut zahnivajem u hetaj Jeŭropie». 71-hadovaja biełaruska, hierainia Dudzia, zaviała svoj kanał u Jutubie
Biełaruskija zorki filma Juryja Dudzia zrabili ahulnaje FOTA
«Łukašenka tak chacieŭ utrymacca va ŭładzie, što achviaravaŭ svaim narodam». Koratka pierakazvajem film Dudzia pra biełarusaŭ, ad jakoha mnoha chto płača
Ciapier čytajuć
Łukašenka znoŭ apraŭdvaŭsia za hieorhijeŭskija stužki: hetym razam pierad rasijskim pasłom26
Kamientary