Jaŭhien Bułka z žonkaj zmahli viarnucca dadomu ŭ Izrail da svajho dvuchhadovaha syna
Šoŭmien Jaŭhien Bułka, jaki žyvie ŭ Izraili, niekalki dzion nie moh z žonkaju vylecieć z Varšavy dadomu, dzie zastaŭsia ich dvuchhadovy syn. I voś Jaŭhien paviedamiŭ u instahramie, što jon narešcie doma.
Jaŭhien Bułka prylacieŭ u Varšavu z žonkaj 6 kastryčnika na zdymki šou. Užo na nastupny dzień CHAMAS napaŭ na Izrail. Bułka vyrašyŭ lacieć dadomu, dzie ź nianiaju zastaŭsia ich syn. Ale heta było nie tak prosta: mnohija avijakampanii admianiali rejsy ŭ Izrail.
Na dapamohu Jaŭhienu pryjšli inšyja ludzi.
Učora jon paviedamiŭ u instahramie, što vyjście znajšłosia «dziakujučy cełamu łancužku vydatnych ludziej ź vializnymi sercami».
Pavodle Jaŭhiena, z vakzała Varšavy jany z žonkaj adpraviacca ŭ Poznań, adtul ich na mašynie padviazuć u Bierlin, adkul jany i vyleciać. I voś siońnia šoŭmien napisaŭ, što dabraŭsia dadomu.
«My doma. My razam. Prabačcie, emocyi zachlistvajuć usich. Tamu pakul biez fota i videa», — napisaŭ jon.
«Usim biaźmiežnaja padziaka za padtrymku, za dapamohu, za turboty i pažadańni. My lubim vas. Tak šmat dabra ŭ vas, rodnyja ludzi. My z vami abaviazkova źbiaromsia razam», — napisaŭ u storys Jaŭhien Bułka.
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca17
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ88
Kamientary