Pucin: Izrail padvierhnuŭsia žorstkaj atacy i maje prava na abaronu
Razam z tym Pucin pieraściaroh Izrail ad naziemnaj ataki ŭ Hazie.
«Izrail, biezumoŭna, my taksama bačym ža heta, padvierhnuŭsia biesprecedentnaj pa svajoj žorstkaści atacy. I, viadoma, maje prava na abaronu, maje prava na toje, kab zabiaśpiečyć svajo mirnaje isnavańnie», — zajaviŭ Pucin, vystupajučy na pasiadžeńni ŭ vuzkim składzie samitu SND u Biškieku, paviedamlaje Interfax.ru.
«Ciapier hałoŭnaje ŭsio ž taki spynić krovapralićcie. Bolš čym zapatrabavanyja kalektyŭnyja namahańni ŭ intaresach chutčejšaha spynieńnia ahniu i stabilizacyi abstanoŭki «na ziamli». Rasija hatovaja da kaardynacyi z usimi kanstruktyŭna nastrojenymi partniorami. My zychodzim ź biezalternatyŭnaści vyrašeńnia paleścina-izrailskaha kanfliktu šlacham pieramovaŭ.
Ich metaj pavinna stać realizacyja aanaŭskaj «formuły dźviuch dziaržaŭ», jakaja praduhledžvaje stvareńnie niezaležnaj paleścinskaj dziaržavy sa stalicaj va Uschodnim Jerusalimie, što budzie suisnavać u miry i biaśpiecy ź Izrailem», — skazaŭ Pucin.
Razam z tym Pucin ličyć, što praviadzieńnie naziemnaj apieracyi Izraila ŭ siektary Haza pryviadzie da surjoznych nastupstvaŭ dla ŭsich bakoŭ.
«My čujem z vami ab płanach padrychtoŭki naziemnaj apieracyi ŭ Hazie. Nu, my z vami razumiejem, što, zusim užo kali skazać paŭprafiesijna, vykarystańnie ciažkaj techniki ŭ žyłych rajonach — heta składanaja sprava, bahataja surjoznymi nastupstvami dla ŭsich bakoŭ», — skazaŭ Pucin.
«Samaje hałoŭnaje, što straty siarod cyvilnych asob buduć absalutna nieprymalnyja. Tam ža amal 2 młn čałaviek žyvie. Ciapier hałoŭnaje ŭsio ž taki spynić krovapralićcie», — padkreśliŭ jon.
Ciapier čytajuć
Polšča pryznała Alaksandra Mašenskaha niepažadanaj asobaj27
Kamientary