Pryčym adna z hetych zbornych siońnia nie hulała.
Pucioŭki na čempijanat Jeŭropy pa futbole zavajavali siońnia zbornyja Turcyi, Ispanii i Šatłandyi. Pryčym šatłandcy siońnia navat nie hulali.
Prosta ispancy pieramahli ŭ haściach Narviehiju ź likam 1:0 (Havi, 49-ja chvilina), tym samym pachavaŭšy šancy Narviehii trapić na kantynientalnaje pieršynstvo.
Ispanija — 15 bałaŭ (6 hulniaŭ), Šatłandyja — 15 (6), Narviehija — 10 (7), Hruzija — 7 (6), Kipr — 0 (7).
Narviežcam zastałosia ŭ adbory pravieści adnu hulniu, tamu jany nijak nie dahoniać Ispaniju i Šatłandyju.
Zorny hulec Narviehii Erlinh Chołan zastaniecca biez top-turniru. Naohuł narviežcy apošni raz hulali na čempijanacie Jeŭropy ŭ 2000 hodzie, na čempijanacie śvietu — u 1998-m.
Zbornaja Turcyi razhramiła Łatviju 4:0 i taksama vyjšła na Jeŭra.
Turcyja — 16, Uels — 10, Charvatyja — 10, Armienija — 7, Łatvija — 3.
U hetaj hrupie ŭ listapadzie zastałosia zhulać dva tury i pry roŭnaści ačkoŭ (16) u Turcyi buduć lepšyja pakazčyki, čym u Charvatyi i Uelsa.
U piatnicu pieršyja pucioŭki na čempijanat Jeŭropy zavajavali Francyja, Partuhalija i Bielhija.
Jeŭra-2024 projdzie letam nastupnaha hoda ŭ Niamieččynie. Na jaho traplaje pa dźvie najlepšyja kamandy z hrupy.
Ciapier čytajuć
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ99
Kamientary