Pamior były prezident Finlandyi i nobieleŭski łaŭreat Marci Achcisaary
Jamu było 86 hadoŭ. Achcisaary byŭ uznaharodžany Nobieleŭskaj premijaj miru za šmathadovuju dziejnaść pa ŭstalavańni miru.
Marci Achcisaary pamior u paniadziełak, 16 kastryčnika, u 6:40 ranicy ŭ Chielsinki, paviedamlaje Yle.fi.
Marci Achcisaary naradziŭsia 23 červienia 1937 hoda ŭ Vybarhu, jaki praz try hady zavajavaŭ SSSR padčas saviecka-finskaj vajny, i na momant śmierci jamu było 86 hadoŭ.
Achcisaary zaraziŭsia karanavirusam u sakaviku 2020 hoda i znoŭ u kancy 2021 hoda. U toj čas u jaho žonki Evy Achcisaary taksama była dyjahnastavana karanavirusnaja infiekcyja. Abodva byli vylečany ad hetaj chvaroby.
Uvosień 2021 hoda ŭ jaho było dyjahnastavana rasstrojstva pamiaci.
Marci Achcisaary byŭ dziasiatym prezidentam Finlandyi ŭ 1994-2000 hadach.
U sakaviku 1989 hoda jon uznačaliŭ misiju AAN u Namibii. Za jaho zasłuhi ŭ stanaŭleńni niezaležnaści krainy byŭ udastojeny zvańnia hanarovaha hramadzianina Namibii. Achcisaary spryčyniŭsia da raźviazańnia kanfliktu ŭ Paŭnočnaj Irłandyi, miryŭ Indanieziju i ruch Ačech.
Uznačalvaŭ dziejnaść AAN pa pieraadoleńni nastupstvaŭ vajny 1991 hoda ŭ Iraku (Bura ŭ pustyni).
Ź vieraśnia 1992 pa krasavik 1993 hoda ŭznačalvaŭ pracoŭnuju hrupu AAN pa ŭrehulavańni situacyi ŭ Bośnii i Hiercahavinie.
Achcisaary byŭ uznaharodžany Nobieleŭskaj premijaj miru ŭ 2008 hodzie.
Mižnarodny dypłamat Marci Achcisaary źmianiŭ Maŭna Kojvista na pasadzie prezidenta ŭ 1994 hodzie i zajmaŭ pasadu kiraŭnika respubliki na praciahu adnaho terminu, da 2000 hoda.
Ciapier čytajuć
Śpiavačku Meryjem Hierasimienka na praciahu dvuch hadoŭ źbivaŭ muž18
Śpiavačku Meryjem Hierasimienka na praciahu dvuch hadoŭ źbivaŭ muž
Jak Jadźvihin Š. smažyŭ u redakcyi skvarki i čamu łožak Kupały nahadvaŭ dochłaha viarbluda. Ivulin i Astapienia źniali zachaplalny film pra «Našu Nivu»33
Kamientary