Łavačka prykryvajecca? Biznes chvaluje, što niamieckija banki stali zavaročvać płaciažy pa adnoj z samych patrebnych schiemaŭ

«U Hiermanii vydali narmatyŭna-pravavy akt, jaki zabaraniaje płacić pa damovach sastupki z 01.01.2024, ale niamieckija banki ŭžo zavaročvajuć takija płaciažy. Padazrajem, što heta čarhovaja miera, jak jany ličać, suprać abychodu sankcyj, i takija akty chutka prymuć i inšyja krainy», — paviedamili «Našaj Nivie» surazmoŭcy z kamiercyjnych kołaŭ. 

Što heta aznačaje na praktycy? 

«Dapuścim, ja litoviec, estoniec abo inšy jeŭrapiejec z daŭnimi kamiercyjnymi suviaziami ŭ Biełarusi, jakija ja nie namierany rvać.

Ale jość prablema — banki maich krain prosta nie płociać u Biełaruś i nie prymajuć adtul płaciažy, niezaležna ad taho, što moj biznes nie źviazany z vajenkaj, enierhietykaj, uhnajeńniami i hetak dalej. 

Kab vyrašyć prablemu apłaty, ja karystajusia schiemaj z sastupkaj doŭhu.

Dapuścim, mnie treba zapłacić za štości ŭ Biełarusi, ale ja płaču inšaj jeŭrapiejskaj kampanii, jakoj pavinna treciaja kampanija ź Biełarusi. Ja płaču jeŭrapiejcam u Jeŭropie, a ich daŭžniki ŭ Biełarusi płociać tym, kamu pavinien ja. 

Maje adnosiny ź biełaruskaj kampanijaj dla banka niabačnyja, u pryznačeńni płaciažu budzie tolki napisana, što jon vypłočvajecca ŭ ramkach damovy zaliku, tamu što niepasredna ja toj jeŭrapiejskaj kampanii ničoha ni za što nie pavinien», — tłumačyć sens biełaruski biznesmien, jaki z partniorami karystajecca schiemaj sastupki doŭhu. 

«Składana pamierać šyryniu praktyki. Ale jana vykarystoŭvajecca, tamu što jana prostaja i tannaja. 

Kali ty chočaš inačaj, to možaš adkryvać rachunki ŭ inšych jurysdykcyjach, jakija ź Biełaruśsiu pracujuć. Naprykład, u polskim RKO, abo ŭ Armienii, Kazachstanie.

Znoŭ ža, tut pačynajucca straty na kursach, tancach z bubnam i hetak dalej. A sastupka doŭhu — prostaja i efiektyŭnaja schiema», — dadaŭ inšy naš surazmoŭca. 

Kali schiema zakryjecca i ŭ inšych jeŭrapiejskich krainach i tam kampanii nie zmohuć pravodzić uzajemazaliki pamiž saboj, što ad hetaha biełaruskamu biznesu? 

«Ja razumieju, što jeŭrapiejskija banki ciapier navat u raźlikach unutry ich krain na mnohija płaciažy hladziać ź niedavieram i schilny bačyć abychod sankcyj u tym, što im adrazu nie zrazumieła. A tamu strachujucca na niejki, chaciełasia b vieryć, čas. 

Chacia, jak pa mnie, łavačku hłabalna prykryć budzie składana, tamu što narod stanie pisać inšaje pryznačeńnia płaciažu — usich nie pravierać.

I zmohuć prydracca, tolki kali pastupić danos, što nasamreč voś hetyja dźvie kampanii pamiž saboj nie majuć adnosin, jakija dekłarujuć, a hrošy, što pamiž imi chodziać, heta sastupki daŭhoŭ u intaresach biełaruskich kontrahientaŭ.

Ale, adkinuŭšy hetuju ryzyku, možna prydumać sotniu varyjantaŭ, jak zrabić tak, kab bank nie zrazumieŭ, što adbyvajecca», — dadaŭ naš inšy surazmoŭca. 

Prablema raźlikaŭ pamiž biełaruskimi i jeŭrapiejskimi kampanijami abvastrajucca kožny hod pa palityčnych pryčynach. 

Navat tyja śfiery, jakija nie zakranuli sankcyi za represii i saŭdzieł u vajnie, stanoviacca taksičnymi dla jeŭrapiejskich bankaŭ, jakija nie chočuć raźbiracca, lehalnym ci nielehalnym biznesam ažyćciaŭlajucca płaciažy ŭ bok Biełarusi. 

U vyniku heta redka daje efiekt, tamu što kampanii znachodziać varyjanty, jakija pravodzić apłaty praz trecija jurysdykcyi, ale heta pavyšaje canu tavaraŭ i pasłuh, što ŭłaśniki kampanij pierakładvajuć na plečy spažyŭcoŭ. 

• 11
• 0
• 3
• 1
• 0
• 1
• 4
• 0