Suprać dvuch bratoŭ raspačali kryminalnuju spravu za abrazu Łukašenki. Adzin ź ich bujny biznesoŭca
U žniŭni 2022 hoda 50-hadovy žychar Mahiloŭskaha rajona raźmiaściŭ «hnieŭny abraźlivy kamientar» u adras Łukašenki.
Paviedamlajecca, što na nastupny dzień hety kamientar «padtrymaŭ» jaho starejšy brat. Zaviazałasia pierapiska, padčas jakoj mužčyny vykazvali «hrubyja i rezkija vykazvańni» ŭ adras Łukašenki.
Ciapier bratam vystaŭleny abvinavačańni pa č.1 art.368 KK (abraza Łukašenki). Z sankcyi prakurora jany źmieščany pad vartu.
U apisańni na sajcie prakuratury paznačana, što 50-hadovy mahiloviec mieŭ paśpiachovy biznes u halinie vytvorčaści tavaraŭ dla kamfortnaha snu. Imavierna, havorka pra 50-hadovaha Juryja Łapucina.
Jon vałodaje kampanijaj «Sanit», jakaja robić matrasy, łožki, miahkuju meblu i aksiesuary da ich. Heta bujnaja kampanija, tolki vytvorčych płoščaŭ u joj 3,5 tysiačy «kvadrataŭ». Kampanija isnuje 17 hadoŭ i jaje abarot — sotni tysiačaŭ dalaraŭ.
Kamientary