Hramadstva11

«Sama jurystka, i dzielicca viedami z novymi siabroŭkami». Alena Hnaŭk u kałonii starajecca nie sumavać

U raniejšaj kałonii Alena Hnaŭk časta traplała ŭ štrafny izalatar.

Alena Hnaŭk. Fota: Radyjo Svaboda

Palitźniavolenaja Alena Hnaŭk ciapier adbyvaje pakarańnie ŭ kałonii № 24 u Rečyckim rajonie, dzie ŭtrymlivajuć tych, chto maje bolš za adnu sudzimaść, piša Radyjo Svaboda.

Alena Hnaŭk padčas śledstva trymała haładoŭku, šmat dzion praviała ŭ karcary i ŠIZA, ad čaho zajmieła prablemy sa zdaroŭjem. Pavodle krynicy, jakaja viedaje jaje stanovišča, Alena Hnaŭk na ŭmovy ŭ novaj dla siabie kałonii nie narakaje.

«Pieraviali jaje ŭ Rečycki rajon, u PK-24, niadaŭna. Bo nad joj byŭ sud, na jakim dadali dadatkovy termin. Tamu jak asobu, što maje niekalki sudzimaściaŭ, jaje pieraviali siudy. Joj tam našmat lepš, čym u Homieli, dzie jana siadzieła raniej. Bo jana ŭ Homieli nie vychodziła z ŠYZA, a tut da jaje adnosiny bolš-mienš narmalnyja.

Ahułam usio dobra, jana tam nie sumuje. Šmat čytaje knih, piša listy. Jana ŭžo piensijnaha ŭzrostu, na pracu nie chodzić, ale šmat cikavicca jurydyčnaj litaraturaj, bo sama jurystka, i dzielicca viedami z novymi siabroŭkami.

Joj dazvolenyja telefanavańni, a ŭ Homieli ŭvohule ŭsio było zabaroniena. Jana pa-raniejšamu aktyŭnaja, niazłomnaja. Pieradaje vitańni tym, chto na voli», — raskazała pra Alenu Hnaŭk daśviedčanaja krynica.

U 2020 hodzie Alena Hnaŭk žyła ŭ Pružanach, adkul pryjazdžała na akcyi pratestu ŭ Bieraście. U 2021 hodzie žančynu asudzili na 2 hady «chatniaj chimii» ŭ viadomaj spravie ab «karahodzie» — akcyi pratestu suprać falšavańnia prezidenckich vybaraŭ, jakaja prajšła ŭ abłasnym centry 13 vieraśnia i ŭpieršyniu ŭ Biełarusi była razahnanaja z vykarystańniem vadamiota.

Padčas adbyćcia «chatniaj chimii» Alenu Hnaŭk znoŭ aryštavali i sudzili paŭtorna pavodle artykułaŭ ab paklopie na Łukašenku (art. 367 KK) i dyskredytacyi Biełarusi (art. 369-1 KK). Heta sud ubačyŭ u pastach Aleny Hnaŭk u sacyjalnych sietkach, dzie pravaabaronca raskazała pra składanaje stanovišča ŭ Biełarusi emihrantaŭ ź Blizkaha Uschodu.

Za svaje słovy Alena Hnaŭk atrymała 3 hady źniavoleńnia, adbyvać pakarańnie jaje nakiravali ŭ žanočuju kałoniju ŭ Homieli. Tam Alena Hnaŭk šmat dzion praviała ŭ ŠYZA i ŭ vyniku była asudžanaja jašče na 1 hod kałonii pavodle 411 artykułu KK, za «złosnaje niepadparadkavańnie patrabavańniam administracyi papraŭčaj ustanovy».

«Sa zdaroŭjem u jaje lepš, bo žyćcio stała spakajniejšaje», — raskazaŭ pra Alenu Hnaŭk daśviedčany čałaviek.

Biełaruskija pravaabaroncy pryznali Alenu Hnaŭk palityčnaj źniavolenaj. Usiaho 66-hadovaj piensijaniercy daviadziecca adsiedzieć za kratami 4,5 hoda.

Kamientary1

  • student1kursa
    25.10.2023
    Durny ja, jak varona. Bo dumaŭ, što proźvišča hałoŭnaj hieraini z naciskam na "u", a hazieta piša -- što na "a".
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Kibierpartyzany i chakiery Silent Crow uzłamali «Aerafłot» i źniščyli jaho IT-infrastrukturu. U rasijskich aeraportach — chaos23

Kibierpartyzany i chakiery Silent Crow uzłamali «Aerafłot» i źniščyli jaho IT-infrastrukturu. U rasijskich aeraportach — chaos

Usie naviny →
Usie naviny

U 29 hadoŭ zahinuŭ chakiejny łajnsmien Pavieł Kazłoŭ1

MZS Litvy nie budzie razhladać prapanovu miascovaha deputata ab anulavańni akredytacyi ofisa Cichanoŭskaj5

Žančynu-pulmanołaha z 30-hadovym stažam adpravili ŭ kałoniju pa troch palityčnych artykułach22

Vierahodnaj pryčynaj dla pryjezdu Deruła ŭ Minsk stali zdymki dla rekłamy katedžaŭ

«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie51

Rubia: Tramp «tracić ciarpieńnie» praz toje, što razmovy z Pucinym nie pryvodziać da zaviaršeńnia vajny16

Ceny na nieruchomaść rastuć šalonymi tempami10

Babrujski zavod pačaŭ pradavać traktarnyja detali praz Wildberries2

Navukoŭcy praanalizavali 100 tysiač ekzamienaŭ i vyznačyli najlepšy čas dla ich zdačy1

bolš čytanych navin
bolš łajkanych navin

Kibierpartyzany i chakiery Silent Crow uzłamali «Aerafłot» i źniščyli jaho IT-infrastrukturu. U rasijskich aeraportach — chaos23

Kibierpartyzany i chakiery Silent Crow uzłamali «Aerafłot» i źniščyli jaho IT-infrastrukturu. U rasijskich aeraportach — chaos

Hałoŭnaje
Usie naviny →

Zaŭvaha:

 

 

 

 

Zakryć Paviedamić