Zamiežnaja zapazyčanaść Biełarusi amal dasiahnuła rekordnych 20 młrd dalaraŭ
Ahulny zamiežny doŭh Biełarusi za try pieršyja kvartały 2009 hoda vyras na 27,3%.
Ahulny zamiežny doŭh Biełarusi za try pieršyja kvartały 2009 hoda vyras na 27,3%, da 19 młrd 299 młn dalaraŭ i dasiahnuŭ na 1 kastryčnika 37,1% VUP krainy. Na pačatak hoda jon składaŭ 25,1% VUP. Takija źviestki apublikavaŭ Nacbank.
Zhodna z hetymi źviestkami, na absłuhoŭvańnie zamiežnaj zapazyčanaści za dzieviać miesiacaŭ 2009 hoda skiravali $4569 młn (12,8% ad VUP abo 26% pastupleńniaŭ ad ekspartu). Stolki źjadajuć vypłaty pa asnoŭnaj zapazyčanaści i pa pracentach.
Doŭh raście chutčej, čym prahnazavałasia. Ličyłasia, što zapazyčanaść moža vyraści da $20 młrd da kanca hoda. Pa fakcie jana moža dasiahnuć navat $21 młrd.
Pavodle stanu na 1 kastryčnika, na kožnaha biełarusa, z małymi i starymi ŭklučna, prypadaje 1997 dalaraŭ zamiežnaj zapazyki, tady jak na 1 studzienia było tolki 1567 dalaraŭ. Za apošnija 12 hadoŭ hety pakazčyk uzros bolš čym u 10 razoŭ, padličyŭ sajt afn.by.
Na pačatak 1997 hoda doŭh na dušu nasielnictva składaŭ $186, na 1 studzienia 2005 hoda — $500, 2007 – $700, 2008 — $1290.
Dla haspadarki jak biełaruskaja, jakaja nie ŭvachodzić u Jeŭrasajuz ź jaho strachovačnymi miechanizmami, biaśpiečnaj miažoj zapazyčanaści možna ličyć płanku 50 abo 60 pracentaŭ ad VUP.Jaje Biełaruś moža dasiahnuć za dva‑try hady.
Ciapier čytajuć
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier22
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier2
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu44
Kamientary