Sudździa suda Loźnienskaha rajona Alaksiej Łapušynski za raspaŭsiudžvańnie «ekstremizmu» ŭ sacyjalnaj sietcy pakaraŭ štrafam u pamiery 999 rubloŭ rabotnicu staličnaj handlovaj sietki Kaciarynu Kryvičenka. Pa prośbie žančyny raźbiralnictva administracyjnaj spravy prajšło ŭ jaje adsutnaść, piša «Viciebskaja viasna».
U sudzie byŭ začytany pratakoł, jaki pastupiŭ ź miascovaha adździaleńnia milicyi, u jakim havaryłasia ab tym, što Alena ŭ instahramie, maŭlaŭ, zachoŭvała infarmacyju z kanała «Maja kraina Biełaruś». Hety kanał raniej rašeńniem suda Čyhunačnaha rajona Homiela byŭ uniesieny ŭ «respublikanski śpis ekstremisckich materyjałaŭ».
«Pravaparušalnica» chadajničała ab razhladzie spravy ŭ jaje adsutnaść. Sudździa Łapušynski na padstavie č. 2 art. 19.11 KaAP pastanaviŭ pakarać Kaciarynu Kryvičenka štrafam u dachod dziaržavy pamieram 999 rubloŭ, a taksama kanfiskavaŭ jaje mabilny telefon.
Kamientary