Uvachod u miačeć Ajia-Safija ŭ Stambule stanie płatnym dla zamiežnikaŭ
Naviedvańni zamiežnikaŭ buduć płatnymi z 15 studzienia.
Uvachod u miačeć Ajia-Safija (Śviatoj Safii) u Stambule stanie płatnym dla zamiežnych turystaŭ z 15 studzienia 2024 hoda, paviedamiŭ ministr turyzmu Turcyi Miechmiet Nury Ersoj, piša RBK.
«Naviedvańni zamiežnikaŭ buduć płatnymi z 15 studzienia. Nabaženstvy i naviedvańni buduć biaspłatnymi dla hramadzian Turcyi», — zajaviŭ ministr.
Pa słovach ministra turyzmu, rašeńnie tureckich uładaŭ źviazana z rekamiendacyjami JUNIESKA. U samoj miačeci pavysicca jakaść ekskursij i nabaženstvaŭ.
Sabor Śviatoj Safii (ciapier miačeć Ajia-Safija) byŭ pabudavany ŭ VI stahodździ i doŭhi čas zastavaŭsia simvałam chryścijanstva na Uschodzie. Paśla zachopu Kanstancinopala Asmanskaj impieryjaj u 1453 hodzie jaho pierarabili ŭ miačeć. Z 1934 hoda chram pracavaŭ u niejtralnym statusie muzieja. U im byli zachavanyja i chryścijanskija, i musulmanskija elemienty.
U lipieni 2020 hoda Dziaržsaviet Turcyi admianiŭ rašeńnie, jakoje pieratvaryła Śviatuju Safiju ŭ muziej, ułady viarnuli joj status miačeci. Paśla taho jak prezident krainy Redžep Taip Erdahan padpisaŭ ukaz ab źmienie statusu sabora, Hrecyja prystrašyła Turcyju sankcyjami.
Aficyjny pradstaŭnik hreckaha ŭrada Stelijas Piecas nazvaŭ hetaje rašeńnie «histaryčnaj pamyłkaj». «Luby, chto parušaje mižnarodnaje prava, pavinien razumieć, što za takoje pravaparušeńnie isnujuć balučyja sankcyi», — skazaŭ jon.
Ciapier čytajuć
«Źviažyciesia z nami»: Prakopjeŭ napisaŭ kałonku dla «NN», u jakoj abhruntoŭvaje znachodžańnie Cichanoŭskaha ŭ Štatach i prosić hrošaj11
«Źviažyciesia z nami»: Prakopjeŭ napisaŭ kałonku dla «NN», u jakoj abhruntoŭvaje znachodžańnie Cichanoŭskaha ŭ Štatach i prosić hrošaj
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1515
Kamientary
I jeŝio projavit siebia