IICHF uklučyła chakiejnyja zbornyja Biełarusi i Rasii ŭ raskładku Alimpijady-2026. Pry adnoj viadomaj umovie
U vypadku alimpijskaha dopusku biełarusy zhulajuć u kvalifikacyi, a rasijanie atrymajuć pramuju pucioŭku na zimovuju Alimpijadu 2026 hoda.
Mižnarodnaja fiederacyja chakieja ŭklučyła mužčynskija zbornyja Biełarusi i Rasii ŭ raskładku Hulniaŭ-2026 u Miłanie i Karcina-d'Ampieca, piša «Priessboł».
U vypadku «zialonaha śviatła» ad MAK zbornaja Rasii pa chakiei atrymaje pramy propusk na Hulni, dzie zhulaje ŭ adnoj hrupie z ZŠA. Astatnija ŭdzielniki kvarteta vyznačacca paśla kvalifikacyi.
Jak viadoma, zbornyja Biełarusi i Rasii vyklučyli z suśvietnych spabornictvaŭ paśla poŭnamaštabnaha ŭvarvańnia va Ukrainu. Zbornyja ŭžo prapuścili dva čempijanaty śvietu pa chakiei i nie zhulajuć, chutčej za ŭsio, na čempijanacie śvietu ŭ mai 2024 hoda. Choć kančatkovaje rašeńnie ab dalejšym losie budzie pryniataje ŭ sakaviku nastupnaha hoda.
U hrupie A na Alimpijadzie-2026 zhulajuć Kanada, Šviecyja, Šviejcaryja i Italija. U hrupie B pakul tolki try kamandy — Finlandyja, Hiermanija i Čechija.
Finalnaja kvalifikacyja taksama składajecca z troch kvartetaŭ — D, E i F. U kožnym viadomyja pakul tolki pa try z čatyroch zbornych.
U vypadku alimpijskaha dopusku biełarusy buduć u pieršaj hrupie, dzie znachodziacca Słavakija i Kazachstan.
U druhuju vyznačyli Łatviju, Francyju i Aŭstryju, u treciaj vyłučyli kvoty dla Danii, Narviehii i Słavienii.
«Biełaruskaja» hrupa D moža zhulać z 29 žniŭnia pa 1 vieraśnia 2024 hoda ŭ Bracisłavie.
Hrupy buduć dapoŭnieny pieramožcami druhoha raŭnda kvalifikacyi, dzie buduć zmahacca Vienhryja, Litva, Japonija, Vialikabrytanija, Rumynija, Kitaj, Kareja, Polšča i Ukraina.
Chakiejnaja zbornaja Biełarusi apošni raz hulała na Alimpijadzie ŭ 2010 hodzie ŭ Vankuviery.
Ciapier čytajuć
Krutoha ajcišnika, jaki viarnuŭsia z Polščy, kinuli za kraty za finansavańnie «ekstremizmu»2
Krutoha ajcišnika, jaki viarnuŭsia z Polščy, kinuli za kraty za finansavańnie «ekstremizmu»
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary