Hruzavy ciahnik syšoŭ z rejek u Razanskaj vobłaści ŭ vyniku vybuchu
Lohkija traŭmy atrymaŭ pamočnik mašynista. Maskoŭskaja čyhunka zapeŭniła, što incydent nie paŭpłyvaje na ruch ciahnikoŭ i elektryčak.
U Razanskaj vobłaści z-za «ŭmiašańnia starońnich asob» adbyŭsia schod vahonaŭ hruzavoha sastavu, paviedamiła pres-słužba Maskoŭskaj čyhunki.
«Siońnia ŭ 07:12 na pierahonie Rybnaje — Błokpost, pavodle papiaredniaj infarmacyi, u vyniku ŭmiašańnia starońnich asob u pracu čyhunačnaha transpartu adbyŭsia schod 19 vahonaŭ hruzavoha ciahnika. U vyniku incydentu niaznačnyja traŭmy atrymaŭ pamočnik mašynista, dla akazańnia dapamohi jamu była vyklikanaja bryhada miedykaŭ», — havorycca ŭ paviedamleńni.
Krynica, blizkaja da MUS, i krynica ŭ terytaryjalnym adździaleńni palicyi paviedamili RBK, što pry ruchu hruzavoha sastavu ŭ rajonie stancyi Dziahileva ŭ Razanskaj vobłaści adbyŭsia «chłapok» i schod siami vahonaŭ ciahnika № 2018 ź minieralnymi ŭhnajeńniami. Mash dadaŭ, što pierad schodam vahonaŭ byŭ čutny vybuch.
U vyniku incydentu było paškodžana čyhunačnaje pałatno.
Maskoŭskaja čyhunka zapeŭniła, što incydent nie paškodzić ekałohii, a taksama raskładu pasažyrskich ciahnikoŭ i elektryčak. Na miesca schodu nakiravalisia adnaŭlenčyja ciahniki. U RČ sfarmavali štab dla kaardynacyi dziejańniaŭ pa likvidacyi nastupstvaŭ.
Ciapier čytajuć
Voś jak vyhladaje z kosmasu aśviatleńnie Minska ŭ paraŭnańni z susiednimi stalicami FOTAFAKT14
Voś jak vyhladaje z kosmasu aśviatleńnie Minska ŭ paraŭnańni z susiednimi stalicami FOTAFAKT
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1717
Kamientary