Na trasie pad Homielem pabudavali intelektualny naziemny pierachod dla žyvioł
Na ŭčastku trasy M-10 (miaža Rasii (Sielišča) — Homiel — Kobryn) niedaloka ad Homiela arhanizavali ekśpierymientalny intelektualny naziemny pierachod dla dzikich žyvioł. Piłotny prajekt byŭ častkaj prahramy pa pavyšeńni biaśpieki darožnaha ruchu i minimizacyi DTZ z udziełam dzikich žyvioł, paviedamili ŭ Ministerstvie transpartu i kamunikacyj.
Hety naziemny pierachod dla žyvioł składajecca ź niekalkich elemientaŭ:
- achoŭny płot uzdoŭž darohi daŭžynioj 2,6 km;
- dva ŭčastki darohi šyrynioj pa 10 m z admysłovym šurpatym pakryćciom (pierad i paśla pierachodu), jakoje zaklikana ŭtrymlivać kapytnych u miežach pierachodu;
- darožnaje aśviatleńnie z dvuch bakoŭ pierachodu na adlehłaści 65 m;
- intelektualnaja sistema raspaznavańnia vychadu žyvioł na prajeznuju častku
U sistemie ŭstalavanyja dźvie hibrydnyja videakamiery, jakija zdymajuć adrazu ŭ dvuch dyjapazonach — aptyčnym i infračyrvonym, radar-detektar i śviatłodyjodnyja znaki «Dzikija žyvioły».
Pry źjaŭleńni dzikaj žyvioły ŭ miežach kamiery abo radara infarmacyja pra heta pieradajecca na pramysłovy kampjutar. Toj z dapamohaj admysłovaj sistemy «farmuje ahulnuju naładžvalnuju zonu detekcyi žyvioł», uklučaje śviatłodyjodnyja znaki i darožnaje aśviatleńnie, a kali žyviolina pakidaje zonu kantrolu — vyklučaje ŭsio da źjaŭleńnia nastupnaj.
Za 360 m da pierachodu ŭstalavali śpiecyjalny darožny znak i z dapamohaj znakaŭ arhanizavali paetapnaje źnižeńnie chutkaści transpartnych srodkaŭ: za 260 m da pierachodu ŭ ciomny čas sutak kiroŭca abaviazany budzie źnizić chutkaść sa 100 da 90 km/h, za 60 m da pierachodu — z 90 da 70 km/h.
Ciapier čytajuć
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary