KDB zavioŭ novuju maštabnuju spravu — ciapier suprać maršrutčykaŭ. Zatrymali 20 čałaviek
Kamitet dziaržbiaśpieki raskručvaje čarhovuju spravu, ciapier kiroŭcaŭ taksi i maršrutčykaŭ. Zaviedziena kryminalnaja sprava za niavypłatu padatkaŭ. Padazravanyja, pavodle infarmacyi KDB, užo kampiensujuć škodu.
Pavodle KDB, havorka idzie pra adzin z najbujniejšych internet-ahrehataraŭ u halinie pasažyrskich pieravozak (kampanija nie nazyvajecca), jaki abjadnaŭ na svajoj płatformie bolš za 300 pieravozčykaŭ.
KDB abvinavačvaje ŭładalnikaŭ internet-resursa ŭ tym, što tyja nibyta zmušali kiroŭcaŭ vazić pasažyraŭ nielehalna. «Za dostup da klijenckich baz i zahruzki pasažyrami prasili rehularna dzialicca ź imi niaŭličanaj najaŭnaściu. Kab vykanać hetuju ŭmovu, pieravozčyki chavali abjomy ŭłasnaj vyručki: nie vydavali pasažyram kvitki, vykonvali niaŭličanyja rejsy», — śćviardžaje KDB.
«Niekatoryja pieravozčyki, jakija žadali pracavać niezaležna ad uładalnikaŭ hetaha internet-resursa, załučalisia ŭ złačynnuju dziejnaść šlacham šantažu i pahroz», — dadaje KDB.
Dziejańnie ŭdzielnikaŭ złačynnaj hrupy kvalifikavanyja pa artykule 243 Kryminalnaha kodeksa Respubliki Biełaruś jak uchileńnie ad vypłaty padatkaŭ. U jakaści padazravanych i abvinavačanych pryciahnuli bolš za 20 asob. «U ciapierašni čas fihuranty supracoŭničajuć sa śledstvam, dajuć pryznalnyja pakazańni i prymajuć miery dla pakryćcia naniesienaj dziaržavie škody», — havorać u KDB.
Biełaruskaje telebačańnie anansavała vychad siužetu, u jakim raspaviadzie nie tolki pra schiemy sychodu ad vypłaty padatkaŭ, ale i pra toje, jak «asobnyja kamiersanty sprabavali zładzić sabataž i dyskredytavać uładu».
Siońnia na naradzie ŭ Łukašenki stali viadomyja padrabiaznaści jašče adnoj bujnoj spravy — tak zvanaj «małočnaj».
Ciapier čytajuć
«Na kancertach niama miesca radykalnamu nacyjanalizmu, ahresii i hvałtu». Maks Korž vykazaŭsia nakont skandału, jaki razhareŭsia paśla jaho vystupu ŭ Varšavie3434
«Na kancertach niama miesca radykalnamu nacyjanalizmu, ahresii i hvałtu». Maks Korž vykazaŭsia nakont skandału, jaki razhareŭsia paśla jaho vystupu ŭ Varšavie34
Biełaruska arhanizavała adpačynak dla dziaciej palitviaźniaŭ na Łazurnym bierazie. Jana raskazała, jak uciakała z krainy i jak jaje zatrymlivaŭ Interpał1414
Kamientary