U Kobrynskim rajonie znajšli dva dziasiatki ludskich pareštak u padvale carkvy
U kobrynskuju milicyju pastupiła paviedamleńnie ab vyjaŭleńni kaścianych astankaŭ u padvalnym pamiaškańni Śviata-Pakroŭskaj carkvy, raźmieščanaj u vioscy Buchavičy Kobrynskaha rajona. Na znachodku natrapili prychadžanie carkvy, jakija akazvali dapamohu ŭ praviadzieńni rabot pa raskopcy ziemlanoj padłohi, paviedamiŭ Dziaržaŭny kamitet sudovych ekśpiertyz.
Supracoŭniki milicyi, prybyŭšy dla ahladu znachodki, kanfiskavali pareštki i nakiravali ich dla daśledavańnia ekśpiertam.
Miedyka-kryminalistyčnaja ekśpiertyza zaśviedčyła, što vyjaŭlenyja čałaviečyja kaścianyja astanki naležać nie mienš jak 20 asobam roznaha ŭzrostu, siarod jakich 13 dziaciej. Pry ich daśledavańni jakich-niebudź paškodžańniaŭ, charakternych dla prymianieńnia ahniastrelnaj zbroi, nie vyjaŭlena. Daŭnina pachavańnia — bolšaja za 80 hadoŭ.
Heta nie pieršaja takaja znachodka na terytoryi carkvy. Letaś pry praviadzieńni ramontnych rabot taksama byli vyjaŭlenyja kaścianyja astanki, jakija znachodzilisia ŭ ziamli razam z budaŭničym śmiećciem. Pa hetym fakcie pravodzicca pravierka.
U Mahilovie na miescy masavych rasstrełaŭ represavanych siońnia aśviacili kryž
Vyśvietliłasia, što za ludskija pareštki vykapali padčas budaŭnictva kacielni ŭ Dziaržynsku
«Niekatoryja ludzi znachodziacca ŭ viertykalnym stanoviščy». U Dziaržynsku znajšli bolš za sotniu zahadkavych čałaviečych pareštkaŭ
Ciapier čytajuć
Amierykanski avijabłohier: Litaralna kožny biełarus, z kim ja razmaŭlaŭ pra palityku, kazaŭ, što Łukašenka — absalutny varjat6
Kamientary