Kłub ź vioski na 1500 čałaviek upieršyniu staŭ čempijonam Šviecyi pa futbole
U paniadziełak u čempijanacie Šviecyi vyznačyŭsia pieramožca.
«Mjelbiu» na vyjeździe abyhraŭ «Hioteborh» — 2:0 i za try tury da finišu na 11 bałaŭ adarvaŭsia ad bližejšaha pieraśledvalnika, «Chamarbiu».
«Mjelbiu»zhulaje ŭ 2‑m kvalifikacyjnym raŭndzie Lihi čempijonaŭ-2026/27. Heta budzie debiut kamandy ŭ jeŭrakubkach.
«Mjelbiu» bazujecca ŭ vioscy Chielevik na poŭdni krainy. Heta vioska płoščaj adzin kvadratny kiłamietr i nasielnictvam 1485 čałaviek.
«Mjelbiu» byŭ zasnavany ŭ 1939 hodzie, ale doŭhi čas hulaŭ u nižejšych lihach, pieršy raz trapiŭšy ŭ vyšejšuju ŭ 2009 hodzie. Hod tamu kłub finišavaŭ piatym, a sioleta adrazu zachapiŭ pieršaje miesca i nikomu jaho nie addaŭ.
Hulajuć za kłub pieravažna miascovyja, jość lehijaniery z Narviehii, Finlandyi, Kamieruna, Hambii i Pakistana.
Ciapier čytajuć
«U nas jość płan, jak stać nastupnaj Finlandyjaj Uschodniaj Jeŭropy». Siarhiej Cichanoŭski vystupiŭ u Jeŭraparłamiencie41
Kamientary