Parłamient Japonii prahałasavaŭ siońnia za zaćvierdžańnie kiraŭnikom urada Sanai Takaici.
Deputaty Nižniaj pałaty prahałasavali za Takaici jak nastupnaha premjer-ministra Japonii. Jana atrymała 237 hałasoŭ — bolš, čym nieabchodna dla prostaj bolšaści. Zaraz idzie padlik hałasavańnia ŭ vierchniaj pałacie, ale hałasoŭ nižniaj pałaty dastatkova, kab zaćvierdzić jaje premjeram.
Sanae Takaici ŭvojdzie ŭ historyju jak pieršaja ŭ historyi žančyna — premjer-ministr krainy.
64‑hadovaja lidarka kansiervatyŭnaj Libieralna-demakratyčnaj partyi, prychilnica byłoha premjer-ministra Vialikabrytanii Marharet Tetčer, viadomaja jak «žaleznaja łedzi» Japonii, paviedamlajaje Bi-bi-si.
Jana źjaŭlajecca prateže byłoha premjera, niabožčyka, Sindza Abe.
Siarod jaje šmatlikich vyklikaŭ — baraćba z pavolnaj ekanomikaj, składanaści ŭ adnosinach pamiž ZŠA i Japonijaj i abjadnańnie kiroŭnaj partyi, jakaja była ŭzrušana skandałami i ŭnutranymi kanfliktami.
Takaici daŭno źjaŭlajecca pierakananaj kansiervatarkaj — jana vystupaje suprać adnapołych šlubaŭ i suprać zakona, jaki dazvalaje žanatym param mieć roznyja proźviščy, što nie dazvalaje mnohim žančynam zachoŭvać dziavočaje proźvišča.
Jana taksama zajmaje žorstkuju pazicyju adnosna imihracyi. Jana kazała, što budzie «žorstka karać naviedvalnikaŭ i imihrantaŭ, jakija parušajuć praviły», i kolkaść jakich u Japonii dasiahnuła rekordnych pakazčykaŭ.
Ciapier čytajuć
Łukašenka: Chutka 4 miljony pracoŭnych sahnucca, na karački stanuć, i my nie zmožam im narmalny zarobak płacić26
Kamientary