U Madrydzie na mitynh suprać amnistyi katałonskich niezaležnikaŭ sabrałasia 170 tysiač čałaviek
Kala 170 tysiač čałaviek u subotu prajšli pa centry Madryda ŭ ramkach najbujniejšaha pratestu suprać zakona ab amnistyi dla inicyjataraŭ refierendumu pra niezaležnaść Katałonii, što prajšoŭ u kastryčniku 2017 hoda. Zakon ab amnistyi ispanskija sacyjalisty ŭzhadnili dla farmiravańnia ŭrada, piša Reuters.com.
Pratestoŭcy nieśli płakaty «Sančes — zdradnik» i «Nie pradavajcie Ispanii» vystupili suprać zakona ab amnistyi katałonskich niezaležnikaŭ, jaki, na ich dumku, pahražaje viaršenstvu prava i pryncypu padziełu ŭładaŭ.
Siarod 170 tysiač udzielnikaŭ pratestu prysutničali lidar apazicyjnaj kansiervatyŭnaj Narodnaj partyi Ispanii Albierta Nuńjes Fiejchoa i staršynia ŭltrapravaj Vox Santjaha Abaskal.
Na hetym tydni lidar Sacyjalistyčnaj rabočaj partyi Pedra Sančes atrymaŭ ad parłamienta mandat na pryznačeńnie ŭrada pry padtrymcy katałonskich i baskskich partyj u abmien na ŭchvaleńnie zakona ab amnistyi.
Paśla mitynhu sotni ludziej pratestavali na aŭtastradzie kala Pałaca Mankłoa, rezidencyi premjer-ministra ŭ Madrydzie. Daroha A6 była zakryta prykładna na hadzinu padčas akcyi pratestu, ale paźniej znoŭ adkryłasia paśla taho, jak palicyja ačyściła rajon.
La budynka ambasady Ispanii ŭ Łondanie prajšła nievialikaja akcyja pratestu.
Amnistyja achopić kala 400 čałaviek, jakija ŭdzielničali ŭ baraćbie za niezaležnaść, što dasiahnuła apahieju ŭ 2017 hodzie.
Refierendum ab niezaležnaści byŭ pryznany sudami niezakonnym i pryvioŭ da najbolš mocnaha palityčnaha kryzisu ŭ Ispanii za apošnija dziesiacihodździ.
U chodzie apytańnia, praviedzienaha Metroscopia ŭ siaredzinie vieraśnia, kala 70% respandentaŭ — 59% ź ich prychilniki sacyjalistaŭ — zajavili, što jany suprać idei amnistyi.
Ciapier čytajuć
«Jak tolki čujuć pra Rasiju — dyk usio… U čym prablema?» U Minsku nie chočuć zdavać kvateru čałavieku z rasijskim pašpartam15
Kamientary