Paradak uzhadnieńnia vyjezdu čynoŭnikaŭ z krainy zaćvierdziŭ urad pastanovaj Saŭmina №786 ad 17 listapada, jakaja apublikavana na Nacyjanalnym pravavym interniet-partale. Heta tyčycca pajezdak, nie źviazanych z kamandziroŭkami.
Dla pajezdki za miažu, nie źviazanaj z pracaj, čynoŭnikam daviadziecca za dziesiać dzion da vyjezdu padać adpaviednuju zajavu admysłovamu načalniku, jaki i vyznačany hetaj pastanovaj.
Vyjezd dziaržaŭnych hramadzianskich słužačych, a taksama rabotnikaŭ, jakija ažyćciaŭlajuć zabieśpiačeńnie dziejnaści i techničnaje absłuhoŭvańnie dziaržaŭnych orhanaŭ, jakim pradastaŭleny dopusk da dziaržaŭnych sakretaŭ, uzhadniajuć kiraŭniki dziaržorhanaŭ abo ŭpaŭnavažanyja imi asoby.
Naprykład, kiraŭnik Administracyi prezidenta daje zhodu na vyjezd staršyń CVK, Biełstata, Vyšejšaj atestacyjnaj kamisii, dyrektaraŭ BISD, Nacyjanalnaha centra zakanadaŭstva i pravavych daśledavańniaŭ, Nacyjanalnaha centra pravavoj infarmacyi, a taksama vyznačanych kiraŭnikom Administracyi prezidenta dziaržaŭnych hramadzianskich słužačych i rabotnikaŭ padparadkavanych arhanizacyj.
U zajavie pavinny być ukazany krainy, kudy płanuje jechać čynoŭnik, a taksama krainy tranzitu, meta pajezdki, adrasy znachodžańnia i kantaktnyja danyja zajaŭnika.
Rašeńnie ab uzhadnieńni vyjezdu abo admovie dla «zabieśpiačeńnia intaresaŭ nacyjanalnaj biaśpieki» afarmlajecca rezalucyjaj.
Słužbovyja kamandziroŭki za miažu ŭzhadniać takim čynam nie treba, dla ich isnuje inšaja spravazdačnaść.
U pastanovie jość zakryty punkt «dla słužbovaha karystańnia».
Minsk siońnia viečaram pahruziŭsia ŭ ciemru. Paśla zahadu Łukašenki51
Minsk siońnia viečaram pahruziŭsia ŭ ciemru. Paśla zahadu Łukašenki
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»35
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
Kamientary