Karol Karł zaniaŭsia K-pop-dypłamatyjaj. Zorki karejskaj estrady atrymali ordeny Brytanskaj impieryi

Udzielnicy papularnaj paŭdniovakarejskaj K-pop hrupy Black pink byli ŭdastojeny hanarovaha zvańnia ŭładalnikaŭ ordena Brytanskaj impieryi. Uznaharody atrymali čatyry salistki: Razana Pak, Dženi Kim, Džysu Kim i Łalisa Manaban, piša Bi-bi-si.

Heta adbyłosia padčas dziaržaŭnaha vizitu prezidenta Paŭdniovaj Karei Jun Suk Jola ŭ Vialikabrytaniju, kali karol Karł III kazaŭ pra hłabalnuju papularnaść karejskaj pop-kultury.

Manarch taksama adznačyŭ, što muzyki Blackpink padtrymlivajuć ekałahičnyja prajekty (sam Karł taksama viadomy svajoj aktyŭnaj pazicyjaj pa pytańniach klimatu i achovy navakolnaha asiarodździa).

«Ja mahu tolki zachaplacca tym, jak jany mohuć nadavać pieršačarhovuju ŭvahu hetym žyćciova važnym prablemam, budučy pry hetym supierzorkami suśvietnaha maštabu», — skazaŭ jon.

U minułym pop-vykanaŭcy nieadnarazova atrymlivali ordeny Brytanskaj impieryi.

Samym viadomym — i samym pieršym takim prykładam — stała ŭručeńnie hetych uznaharod u 1965 hodzie ŭdzielnikam hrupy «Bitłz». Heta było zroblena pa prapazicyi tahačasnaha premjer-ministra krainy.

Salistki Blackpink byli ŭznaharodžany ordenami, bo vystupili ŭ jakaści pasłoŭ na samicie pa źmianieńni klimatu i prapahandavali mety AAN u halinie ŭstojlivaha raźvićcia, dapamahajučy raspaviadać ab ekałahičnych prablemach «miljonam maładych ludziej».

Cyrymonija ŭznaharodžańnia adbyłasia ranicaj u sieradu ranicaj u Bukinhiemskim pałacy ŭ zale, jakaja časta vykarystoŭvajecca dla pryjomu samych hanarovych haściej.

Napiaredadni viečaram salistak zaprasili na dziaržaŭny bankiet u Bukinhiemskim pałacy.

U svajoj pramovie karol kazaŭ pra toje, što karejskaja pop-kultura vałodaje «dziŭnaj zdolnaściu zachoplivać ujaŭleńnie».

Karol pryznaŭsia, što asabista jamu nie chapaje «taho, što možna było b nazvać Gangnam Style». (Heta adsyłka da najpapularnaha chita paŭdniovakarejskaha vykanaŭcy PSY, jaki ŭ 2015 hodzie staŭ samym prahladanym rolikam na YouTube i ŭtrymlivaŭ hetuju pazicyju ciaham dvuch hadoŭ; ciapier u jaho amal 5 młrd prahladaŭ)

Situacyju vypraviŭ brytanski vajskovy arkiestr, jaki vykanaŭ hetuju pieśniu padčas źmieny varty ŭ sieradu ranicaj.

Turysty, jakija sabralisia la Bukinhiemskaha pałaca, kab pahladzieć na cyrymoniju, pačuli niečakanaje papury ź piesień u styli K-pop, a nie zvykłyja maršavyja miełodyi.

U aŭtorak prezidenta Paŭdniovaj Karei Jun Suk Jola pryniali karol Karł razam z karalevaj-kansortam Kamiłaj i pryncam i pryncesaj Uelskimi. Zatym prezident pryniaŭ udzieł u karetnaj pracesii pa vulicy Moi.

Uviečary prezidenta zaprasili na dziaržaŭny bankiet u balnaj zale Bukinhiemskaha pałaca z udziełam 170 haściej, uklučajučy premjer-ministra Ryšy Sunaka i ministra zamiežnych spraŭ Devida Kemierana.

Prezident Paŭdniovaj Karei sustrakajecca z Sunakam dla padpisańnia pahadnieńniaŭ ab pašyreńni supracoŭnictva ŭ halinie handlu, vysokich technałohij i «zialonaj» enierhietyki.

Łondan i Sieuł taksama źbirajucca zabiaśpiečvać režym sankcyj u dačynieńni da Paŭnočnaj Karei i praduchilać jaje «niezakonnuju prahramu ŭzbrajeńniaŭ». Dla hetaha miarkujecca sumiesnaje marskoje patrulavańnie paŭdniovakarejskich VMS i Karaleŭskaha vajenna-marskoha fłotu Vialikabrytanii.

• 7
• 0
• 0
• 5
• 0
• 1
• 0
• 0