Unieśli źmieny ŭ praviły zdačy ekzamienu na paśviedčańnie kiroŭcy
Pałata pradstaŭnikoŭ u druhim čytańni pryniała źmieny ŭ zakon «Ab darožnym ruchu». U zakonaprajekcie praduhledžanyja novyja praviły zdačy praktyčnaha ekzamienu na paśviedčańnie kiroŭcy.
Z dakumienta vynikaje, što nieŭzabavie zdavać ekzamieny ŭ Biełarusi budučy kiroŭca, jaki navučaŭsia na aŭtamabili ź miechaničnaj KPP, zmoža jak na «miechanicy», tak i na «aŭtamacie». Na hety momant ekzamien možna zdavać na aŭtamabili tolki z toj tranśmisijaj, na jakoj čałaviek navučaŭsia.
Ciapier ža śpiecyjalisty pryjšli da vysnovy, što praktyčnyja navyki, atrymanyja budučym kiroŭcam u chodzie navučańnia kiravańnia aŭtamabilami ź miechaničnaj tranśmisijaj, pavinny być dastatkovymi i dla kiravańnia aŭto z aŭtamatyčnaj karobkaj pieradač.
U vieraśni 2022 hoda budučyja biełaruskija kiroŭcy atrymali mahčymaść navučacca ŭ aŭtaškołach i zdavać ekzamien u DAI na mašynach z aŭtamatyčnaj karobkaj pieradač. Raniej była mahčymaść vučycca tolki na aŭto z «miechanikaj».
Ciapier čytajuć
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ1717
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ17
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał33
Kamientary