Bajeviki CHAMAS vyzvalili 13 izrailskich zakładnikaŭ i 12 rabočych z Tajłanda, Izrail vyzvaliŭ 39 paleścinskich źniavolenych.
Pieršaja hrupa zakładnikaŭ była pieradadziena supracoŭnikam Čyrvonaha Kryža i pierasiekła KPP Rafach na miažy siektara Haza i Jehipta.
Akramia izrailskich zakładnikaŭ, bajeviki CHAMAS adpuścili 12 uziatych u pałon rabočych z Tajłanda.
Zatym 39 paleścinskich źniavolenych byli vyzvalenyja ź izrailskich turmaŭ, piša Bi-bi-si.
Hrupa z 24 žančyn i 15 padletkaŭ była vyzvalena praz kantrolna-prapuskny punkt Biejtunija na Zachodnim bierazie. Zatym im budzie dazvolena viarnucca dadomu. Zatrymanyja byli abranyja sa śpisu z 300 žančyn i niepaŭnaletnich, składzienaha Izrailem.
Vyzvaleńnie hramadzian Tajłanda nie źjaŭlajecca častkaj uhody pamiž Izrailem i CHAMAS, zaklučanaj pry pasiarednictvie Katara.
22 listapada ŭłady Izraila i pradstaŭniki CHAMAS damovilisia časova spynić ahoń i abmianiać 50 zakładnikaŭ na 150 paleścinskich źniavolenych.
Uhoda, składzienaja pry pasiarednictvie Katara, praduhledžvaje čatyrochdzionnuju paŭzu ŭ bajavych dziejańniach.
Ciapier čytajuć
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu1515
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu15
«Ja skazaŭ na videa, što mianie nie katujuć — na toj momant heta było praŭdaj. A praź dźvie hadziny mianie źbili». Ukrainski žurnalist dva hady pravioŭ u rasijskim pałonie — voś što jon pieražyŭ11
Kamientary