Novaja Ziełandyja admienić pažyćciovuju zabaronu na kureńnie dla maładych ludziej. Usia prablema z napaŭnieńniem biudžetu
Zakon, pryniaty papiarednim uradam Džasindy Ardern, praduhledžvaŭ pažyćciovuju zabaronu na prodaž cyharet i tytuniovaj pradukcyi z 2024 hoda ŭsim, chto naradziŭsia paśla 2008 hoda.
Urad Novaj Ziełandyi maje namier admianić samuju maštabnuju ŭ śviecie kampaniju pa zabaronie kureńnia, kab papoŭnić dziaržaŭnuju kaznu, piša Bi-bi-si.
«My chočam zrabić tak, što maładyja ludzi naohuł nie pačynali kuryć», — kazała tady ministr achovy zdaroŭja Aješa Vierał.
Siarod inšaha novy kaalicyjny ŭrad abiacaje źnizić padachodny padatak z nasielnictva i skaracić dziaržaŭnuju biurakratyju.
«My pavinny pamiatać, što źmieny ŭ zakanadaŭstvie pa baraćbie z kureńniem akazali značny ŭpłyŭ na dziaržaŭnuju kaznu, pazbaviŭšy jaje amal 1 młrd dalaraŭ», — skazała Uilis u intervju novaziełandskaj telekampanii TV3.
Tamu ekśpierty ŭ halinie achovy zdaroŭja padvierhnuli zajavu novaha ŭrada ab admienie kampanii pa abmiežavańni kureńnia žorstkaj krytycy.
«Bolšaść miedycynskich arhanizacyj Novaj Ziełandyi ŭzrušanyja dziejańniami ŭrada i zaklikajuć jaho pierahledzieć svajo rašeńnie», — zajaviŭ u intervju Bi-bi-si prafiesar i ekśpiert pa hramadskaj achovie zdaroŭja z Univiersiteta Ataha Ryčard Edvards.
Minułaja zabarona na kureńnie vyklikała pratest z boku niekatoraj častki biznesu Novaj Ziełandyi. Uładalniki hazietnych šapikaŭ i kram krytykavali stratu dachodaŭ ad prodažu cyharet — navat z ulikam dziaržaŭnych subsidyj.
«Sami chutka zdochnuć». Foty z samita ŭ Minsku dajuć pabačyć Pucina i Łukašenku biez hrymu, a taksama Kolu12
«Sami chutka zdochnuć». Foty z samita ŭ Minsku dajuć pabačyć Pucina i Łukašenku biez hrymu, a taksama Kolu
«Svoj nos ź Biełastoka jany nie vysoŭvajuć». Biełarusy Padlašša skardziacca, što biełarusy novaj chvali emihracyi nie zacikaŭlenyja supolnymi spravami4848
Kamientary