Ci seksualnyja biełarusy i što rabić z kryzisam blizkaści, raspaviała seksołah Zoja Pryšyvałka ŭ vypusku jutub-kanała «Biełaruski vajb».
Ci jość zaležnaść pamiž nacyjanalnaściu i seksualnaściu
Na dumku Zoi Pryšyvałki, suviaź pamiž nacyjaj i seksualnym tempieramientam isnuje.
«Seksualnaść čałavieka — heta nie tolki toje, što jamu dajecca pry naradžeńni, ale i toje, što raźvivajecca ŭsio žyćcio ŭ tym asiarodździ, u jakim my znachodzimsia. Tamu kultura, relihija, pohlady, jakija nas atačajuć, — heta ŭsio budzie na nas akazvać upłyŭ».
Pa słovach Zoi, časta ludzi błytajuć seksualnaść i seksapilnaść. Jany dumajuć, što seksualnaść — toje, jak jany vyhladajuć i pavodziać siabie. Ale dla śpiecyjalista seksualnaść — toje, što jość u čałavieku. «Dla mianie heta praha da žyćcia, voli, samavyražeńnia», — kaža seksołah.
Biełarusaŭ Zoja ličyć seksualnymi, bo ŭ ich jość takija rysy charaktaru, jak blizkaść, davierlivaść, empatyja.
Adkul u hramadstvie kryzis blizkaści
Seksołah zaŭvažaje, što kryzis blizkaści siońnia zaŭvažny nie tolki ŭ biełaruskim hramadstvie. Jak jana tłumačyć, dla taho, kab naładžvać blizkaść, čałavieku nieabchodny resursy:
«Treba rabić niejkuju emacyjnuju pracu, razumieć, z kim ja chaču mieć stasunki, jak heta budzie adbyvacca, jakich praviłaŭ prytrymlivacca. I heta ŭsio resursazatratnyja temy».
Adpaviedna piramidzie patrebaŭ Masłou dla ludziej najbolš važna vyrašyć pytańni, źviazanyja z vyžyvańniem, — što źjeści, dzie spać. A stasunki — heta patreba z uzroŭniu našmat vyšejšaha.
«Ciapier z-za taho, što adbyvajecca ŭ śviecie, jość kryzis blizkaści, bo heta ciažkaja praca. Hetym treba zajmacca, umieć, być samomu dastatkova ŭstojlivym da niehatyŭnaha dośviedu, jaki moža być vielmi balučym. Tamu ludzi hetaj boli paźbiahajuć», — tłumačyć žančyna.
Seksołah źviartaje ŭvahu, što ciapier jašče vidavočny kryzis siamji, parnaści. «Padkreślenaja indyvidualnaść čałavieka, kali jon tolki pra siabie dumaje, maje ehaistyčnuju skiravanaść i časam nie ŭ dobrym śviecie padśviečvaje adnosiny. Čałavieku ciažka adrazu zajmacca saboju i svaim partnioram. Tamu ludzi časta vybirajuć tolki siabie».
Čytajcie jašče:
«U maim asiarodździ šmat ludziej, u jakich elemientarna niama seksu miesiacami, a to i hadami»
«Seksołah — heta siabroŭka, u jakoj nie soramna spytacca, što takoje arhazm»
-
Namieśnica redaktara «Minsk-Navin» raskazała, jak źmianiłasia jaje žyćcio paśla šlubu z musulmaninam ź Siryi
-
Błohier Siarhiej Biaspałaŭ raskazaŭ, čamu ažaniŭsia letaś, a adśviatkavaŭ heta tolki ciapier
-
«11 hadzin ciahnułasia naša pahłybleńnie adno ŭ adnaho». Biełarus raskazaŭ pra svoj najlepšy seks u žyćci
Ciapier čytajuć
Učora Minsk znoŭ zatapiła. Čamu stalica nie hatovaja da daždžoŭ?2
Kamientary