Ukrainska-biełaruski futbalist Arciom Mileŭski, stan jakoha chvalavaŭ zaŭziataraŭ, apublikavaŭ svaje novyja foty
U vieraśni stała viadoma pra špitalizacyju futbalista Arcioma Mileŭskaha. Što ź im dakładna, nie paviedamlali. Ale jaho stan daŭno vyklikaŭ zakłapočanaść zaŭziataraŭ. I voś Mileŭski apublikavaŭ novyja fota.
Na novych zdymkach bačna, što Arciom vyhladaje śviežym i badziorym.
U vieraśni eks-hulec zbornaj Ukrainy Alaksandr Alijeŭ raspavioŭ pra stan svajho siabra i byłoha biełaruskaha futbalista Arcioma Mileŭskaha.
«Dziakuj bohu, jaho ŭdałosia pakłaści ŭ balnicu. Jon užo na praciahu piaci dzion tam. Stan, viadoma, vielmi ciažki, ale ničoha, daktary zmahajucca», — kazaŭ jon.
Što mienavita zdaryłasia ź Mileŭskim, dakładna nieviadoma. Apošnim časam jaho prychilniki adznačali, što 38-hadovy Mileŭski vyhladaŭ nie najlepšym čynam.
U pačatku hetaha hoda ŭkrainski žurnalist Siarhiej Bałotnikaŭ raskazvaŭ: «Ja tak razumieju, što Mileŭskaha vielmi psichałahična prybiła vajna. Jon ničoha nie choča. Mnie padajecca, što ŭ jaho prafiesijnaja depresija. Jon nie moža siabie realizavać u ciapierašnich umovach».
U tym ža klučy vykazvaŭsia spartyŭny kamientatar Raman Biebiech: «Ja ź Mileŭskim razmaŭlaŭ — na jaho mocna paŭpłyvała vajna, kali jon ubačyŭ, jak bambiać, jak pamirajuć ludzi. Jon nie choča zdymać kantent, ličyć, što [ciapier] heta nie važna. Jon tolki adychodziŭ ad zaviaršeńnia karjery, pačałasia vajna — i heta jašče bolš jaho zaciahnuła ŭ depresiŭny stan. Na jaho ŭpłyvaje ŭsio: što prylataje ź jahonaj rodnaj krainy, što baćki nie razumiejuć».
Ciapier čytajuć
«Ludziej prymušali dumać, što ničoha nikoli nie źmienicca». Chto taki antykamunist Łasła Krasnaharkai, jaki atrymaŭ Nobieleŭskuju premiju pa litaratury?99
Kamientary