Častkova heta taksama adbudziecca z-za taho, što ŭ Šarla Mišela niama abaronienaj telefonnaj linii ŭ Piekinie, kab pravodzić pieramovy ź lidarami ES biez prasłuchoŭvańnia z boku Kitaja.
Prezident Jeŭrapiejskaj rady Šarl Mišel skarocić svoj vizit u Piekin na fonie ryzyk, što premjer-ministr Vienhryi moža sarvać samit lidaraŭ ES u kancy śniežnia z-za ŭkrainskaha pytańnia, paviedamlaje vydańnie Politico.
Mišel, jaki jedzie ŭ Kitaj na pieršy z 2019 hoda samit JeC—Kitaj, «vierniecca ŭ Brusel, kab praciahnuć abmierkavańnie ź lidarami što da dalejšych dziejańniaŭ», skazaŭ čynoŭnik u intervju vydańniu Politico Brussels Playbook.
Mišel vierniecca sa stalicy Kitaja raniej — paśla pieršaha dnia sustreč u čaćvier. Častkova heta adbudziecca z-za taho, što ŭ jaho niama abaronienaj telefonnaj linii ŭ Piekinie, kab pravodzić pieramovy ź lidarami ES biez prasłuchoŭvańnia z boku Kitaja, adznačyŭ aficyjny pradstaŭnik.
Mišel sustrakaŭsia z Orbanam u Budapiešcie na minułym tydni, sprabujučy zhładzić napružanaść napiaredadni samitu lidaraŭ ES.
Prezident Francyi Emanuel Makron taksama zaprasiŭ Orbana sustrecca ź im u Paryžy ŭ kancy hetaha tydnia, kab pasprabavać dasiahnuć kampramisu, paviedamiŭ vydańniu Politico inšy čynoŭnik.
U liście ad 4 śniežnia, pa dadzienych ŚMI, Orban zaklikaŭ Mišela źniać pieramovy z Ukrainaj ab ustupleńni ŭ ES z paradku dnia samitu Jeŭrapiejskaj rady.
Vienhierski premjer raniej napisaŭ jašče adzin list prezidentu Jeŭrarady, u jakim pryhraziŭ zabłakavać dapamohu ES Ukrainie i jaje ruch da siabroŭstva ŭ ES, kali lidary Jeŭrasajuza nie pahodziacca pierahledzieć usiu svaju stratehiju padtrymki Kijeva.
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary