Adzinaccacikłaśnika sielskaj škoły Dobrušskaha rajona aryštavali prosta padčas ahulnaha schodu baćkoŭ, vučniaŭ i nastaŭnikaŭ
U adnoj ź sielskich škoł Dobruščyny sabrali na prafiłaktyčnuju hutarku ź siłavikami navučencaŭ, nastaŭnikaŭ i baćkoŭ, i prosta padčas schodu siłaviki zatrymali 11-kłaśnika, zaŭvažyŭ kanał «MotolkoPomohi».
«U zale — jabłyku niama dzie ŭpaści: staršakłaśniki, baćki, nastaŭniki. Zaprošanyja na prafiłaktyčnuju hutarku z pravaachoŭnikami stali śviedkami adnaho epizodu pracesu rasśledavańnia i pakarańnia vinavataha ŭ šmatlikich złačynstvach», piša rajonka.
Chłopca abvinavacili ŭ źbićci inšych vučniaŭ. Na jaho nibyta zaviali 4 kryminalnyja spravy, a prakuror Pavieł Čyrykaŭ, jaki prysutničaje ŭ zale pry zatrymańni, skazaŭ, što «spadziajecca, što ŭbačanaje zrabiła na školnikaŭ uražańnie».
«Pavolna ŭ zału ŭvachodzić kanvojnaja hrupa. Na zapiaściach padletka zaščoŭkvajucca kajdanki. Ni jaho ślozy, ni isteryka maci ničoha źmianić užo nie mohuć», — piša rajonka.
Chłopca pasadzili ŭ śledčy izalatar jašče da zakančeńnia papiaredniaha rasśledavańnia.
Ciapier čytajuć
Alaksandr Łukašenka tak lasnuŭsia na lod na chakiei, što trybuny zamierli31
Alaksandr Łukašenka tak lasnuŭsia na lod na chakiei, što trybuny zamierli
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher55
Kamientary