Dvuch zubroŭ ź Biełaviežskaj puščy dastavili ŭ Kitaj.
Kadry pieravozki žyvioł apublikavaŭ Brescki abłvykankam. Adznačana, što hety padarunak Łukašenki Kitaju dastavili ŭ Piekinski zaapark «Cynčuań».
«Nacyjanalnaje ŭpraŭleńnie lasnoj haspadarki i stepaŭ Kitaja padpisała pahadnieńnie ab achovie zubra jeŭrapiejskaha, jakoje praduhledžvaje infarmavańnie ab umovach utrymańnia, racyjonie charčavańnia, ab stanie žyvioł i inšaje», — paviedamiŭ Brescki abłvykankam.
Padčas vizitu ŭ Piekin 4 śniežnia Łukašenka i Si Czińpin užo abmieńvalisia padarunkami. Biełaruskaj delehacyi ŭručyli jabłyki z pravincyi Chunań i karcinu, vykananuju technikaj šaŭkovaj vyšyŭki. Mikałaju Łukašenku kiraŭnik KNR padaryŭ spartyŭny kaścium z kitajskim ściažkom.
Łukašenka, sa svajho boku, pieradaŭ kitajskamu lidaru vyrablenuju juvielirami kampazicyju, što simvalizuje inicyjatyvu Piekina «Adzin pojas — adzin šlach», šakaład, praduktovyja navinki ajčynnych pradpryjemstvaŭ, a taksama suvienir z vałoškami, zajaviŭšy, što hetaja kvietka — naš nacyjanalny simvał.
Ciapier čytajuć
«Mikałaja bili, dzie tolki jaho bačyli». Pra katavańni źniavolenaha anarchista Dziadka raskazała advakatka Mackievič5
Kamientary