Rasiejcy nie zrazumieli tłustaha humaru biełaruskaha skietča. Tvitar kipić
«Ja s sieḿjoj jezdił v Biełoruśsiju i takoho nie vidieł».
«Biełsat» źniaŭ skietč pra pryhody rasiejcaŭ u Minsku. U humarystyčnym roliku pakazvajucca dva rasiejskija turysty na vakzale, jakija abmiarkoŭvajuć, što biełaruskaja mova — heta ruskaja z pamyłkami. A paśla pytajucca ŭ «biełarusika», «brata mienšaha», kudy schadzić.
«Vitaju, afełki!» — źviartajecca toj i, kali akciory, što hrajuć rasiejcaŭ, nie razumiejuć słovaŭ, tłumačyć: heta taki pavažlivy zvarot.
«Čio, kuda tut možno schodiť v etom vašiem kołchozie?» — pytajecca rasiejka.
Biełarus raskazvaje, što jany mohuć trapić na biaspłatnuju ekskursiju pa budynkach pačatku 20-ha stahodździa, kab lepš paznajomicca z kulturaj krainy. Dla hetaha paraiŭ znajści milicyjanta, skazać jamu «Vitaju, afełak» i dadać, što vy ad Zianona Paźniaka.
Biełarus arhanizavaŭ biaspłatnuju ekskursiju dla rasiejskich turystaŭ. A bonusam jašče i navučyŭ ich novym słovam na biełaruskaj movie.
Jak heta było? Hladzicie ŭ videa pic.twitter.com/vMztb9G0lG
Humaru mnohija nie zrazumieli. Rasiejcy aburylisia ŭ tvitary.
«Biełaruskaja karykaturnaja pastanoŭka, u jakoj maskvičy, jakija pryjechali ŭ Biełaruś, pakazanyja jak pahardlivyja kałhaśniki. A miascovy biełarus pakazany jak razumny i chitry miascovy pižon. Videa nakiravana na vyśmiejvańnie pavodzin rasiejcaŭ.
Voś tolki biełarus u hetym videa raić pryjechaŭšym padyści da milicyi i skazać niešta, za što ich pasadziać na 15 sutak.
Atrymlivajecca što siabie jany vystavili ŭ hetym videa biespryncypovymi padonkami, hatovymi zdać miantam luboha niepažadanaha čałavieka. I miarkujučy z reakcyi, jany heta ŭchvalajuć»,
— napisaŭ u sacsietcy X (byłym tvitary) Artur Zakiraŭ, zasnavalnik bujnoj rasiejskaj kampanii «Artsoft», jaki asudziŭ vajnu i stvaraje arhanizacyju pa abaronie pravoŭ rasiejcaŭ i emihrantaŭ.
«Ja s sieḿjoj jezdił v Biełoruśsiju i takoho nie vidieł», — adznačaje inšy kamientatar.
«Rabotali na zakrytom objektie v Pitierie. Była brihada iz Biełoruśsii. Čto oni tolko nie vytvoriali. Biespriedielŝiki. Pośle dvuchniedielnych hastrolej ujechał etot cirk šapito domoj, nie sołono chlebavši. Vyrvaliś ot baťki i srazu v bardak», — dzielicca jačše adzin rasiejec.
«Pi***c kryndž, takoje moža naradzicca ŭ hałavie ŭ čałavieka, jaki nikoli rasiejcaŭ nie bačyŭ užyvuju».
«Što takoje afełki? Heta takija cukierki ź mindalem i vadkim centram, abvalenyja ŭ kakosavaj stružcy?» — nie zrazumieła słova žančyna.
Chtości dakazvaŭ, što maskvičy tak siabie nie pavodziać — tolki vychadcy z rehijonaŭ.
«Humar uzroŭniu TNT. Jašče znajdzi biełarusa, jaki na movie budzie havaryć», — kamientujuć.
«Baču tolki adnu prablemu: nie vielmi śmiešna», — pišuć. Inšyja kamientujuć, što heta anałah «Anšłaha» i «pietrasianščyny».
Mnohija biełarusy ŭ sacsietkach pahadžalisia, što humar nie samy vytančany.
«Kantent sapraŭdy nie vielmi, ale heta nie admianiaje taho, što mnohija mienavita z takim padychodam i pryjazdžajuć», — zaŭvažajuć.
I pryhadvajuć rasiejcam ich žarty.
«Aha, a kuča videa, dzie rasiejcy ržuć ź bieł. movy — heta nie rasiejcy zdymali. I naohuł, rasiejcy kociki, nikoli pabłažliva nie stavilisia da susiedziaŭ jak da «bratoŭ mienšych», zaŭsiody pavažali ich kulturu i movu. Heta ŭsio biełarusy takija złyja i brydkija», — napisała adna z karystalnic.
«Ty prosta nie byŭ biełarusam, da jakoha rasiejcy pryjazdžali ŭ tapačkach zakuplacca, pryhavorvajučy «nu vy ž naša hubiernia».
«Hetyja prykoły adbyvajucca litaralna ŭvieś čas, tamu naadvarot radavacca treba, što stomlenyja ad takich pavodzin biełarusy ŭsiaho tolki zdymajuć vidosiki humarystyčnyja», — zaŭvažaje inšy čałaviek.
Byli i tyja, chto aburyŭsia, što biełarusaŭ rolik vystaviŭ taksama nie ŭ najlepšym śviatle.
Ciapier čytajuć
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1717
Kamientary