U Hrodnie milicyja adšukała dziaciej, jakija bavilisia na niomanskaj kryzie. Vyjaviłasia, što kryhi nie było
Napiaredadni źjaviłasia videa, jak u Hrodnie dzieci vyjšli na lod na Niomanie i skakali na kryzie, jakaja paśpieła adkałocca ad bieraha. Ciapier milicyja znajšła dziaciej i praviała ź imi «prafiłaktyčnuju hutarku».
Milicyja padkreślivaje, što paśla praviedzienaj pravierki «ŭstanaviła ŭsich udzielnikaŭ videa». «Prafiłaktyčnuju hutarku» praviali nie tolki ź imi, ale i ź ich baćkami.
Vyśvietliłasia, što dzieviać navučencaŭ 8-ha kłasa paśla ŭrokaŭ adpravilisia da Niomana, kab «pakidać kamiani ŭ vadu».
Što da kryhi, to vyjaviłasia, što jaje ŭvohule nie było. «Heta była nie kryha, a piasčanaja vodmiel, prysypanaja śnieham», — piša milicyja.
Častka padletkaŭ, maŭlaŭ, zaŭvažyła pobač hetuju vodmiel, jakuju naziralniki pryniali za kryhu. A dalej jany kidali kamiani ŭžo adtul, što i trapiła na videa.
Ciapier čytajuć
23‑hadovy achoŭnik z Astraŭca zahinuŭ za Rasiju na vajnie. Pavajavaŭ jon, vidać, kala miesiaca16
23‑hadovy achoŭnik z Astraŭca zahinuŭ za Rasiju na vajnie. Pavajavaŭ jon, vidać, kala miesiaca
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ88
Kamientary