Bajeviki «Vahniera» ŭvajšli ŭ skład śpiecnaza MUS Biełarusi? Prynamsi jość dźvie prykmiety
14 śniežnia ŭ vajskovaj čaści 3210 u Minsku adbyłosia pakazalnaje vystupleńnie atrada śpiecyjalnaha pryznačeńnia «Tarnada» z udziełam kiraŭnictva MUS Biełarusi. Atrad byŭ stvorany ŭ śniežni.
Pres-słužby MUS i ŭnutranych vojskaŭ apublikavali malaŭničyja roliki vystupu i na kadrach akcentavali ŭvahu na ściahach tak zvanaj PVK «Vahnier», jakija visieli na fłahštoku razam ź dziaržfłaham Respubliki Biełaruś i, mabyć, ściaham śpiecnaza. Hetaja ž niezarehistravanaja simvolika rasiejskich bajevikoŭ znachodziłasia na pikapie z bujnakalibiernym kulamiotam, źviartaje ŭvahu Reform.by.
Aficyjnych tłumačeńniaŭ dadziena nie było. U toj ža dzień prapahandyst z Russia Today Kanstancin Prydybajła apublikavaŭ post z fota simvoliki bajevikoŭ i zajaviŭ, što bajeviki ŭvajšli ŭ skład śpiecnaza «Tarnada».
«U Biełarusi «Vahniery» ŭstupili ŭ šerahi śpiecnaza ŭnutranych vojskaŭ (anałah — Rashvardyja)», — napisaŭ Prydybajła.
Raniej namieśnik ministra ŭnutranych spraŭ i kamandujučy ŭnutranymi vojskami Mikałaj Karpiankoŭ zajaŭlaŭ, što ŭnutranyja vojski Biełarusi buduć prachodzić bajavoje zładžvańnie z bajevikami PVK «Vahnier» dla viadzieńnia sumiesnych bajavych dziejańniaŭ. Jon taksama raspaviadaŭ pra sustreču ź Jaŭhienam Pryhožynym u Biełarusi ŭ pieršyja dni paśla buntu.
Pa viersii Karpiankova, bajeviki PVK pavinny byli pieradać vopyt prymianieńnia artyleryi. Na kadrach, apublikavanych 14 śniežnia, bajcy «Tarnada» sapraŭdy demanstrujuć kiraŭnictvu MUS minamioty i bojeprypasy da ich.
Chto taja biełaruska, jakuju ekstradavali ŭ ZŠA dla suda za kantrabandu detalaŭ dla samalotaŭ6
Chto taja biełaruska, jakuju ekstradavali ŭ ZŠA dla suda za kantrabandu detalaŭ dla samalotaŭ
«Kab Biełaruś nie addali Pucinu ŭ jakaści suciašalnaha pryza». Cichanoŭskaja zaklikaje ŭklučyć biełaruskaje pytańnie ŭ mirnyja pieramovy Ukrainy i Rasii3434
Kamientary
)))