Баевікі «Вагнера» ўвайшлі ў склад спецназа МУС Беларусі? Прынамсі ёсць дзве прыкметы
14 снежня ў вайсковай часці 3210 у Мінску адбылося паказальнае выступленне атрада спецыяльнага прызначэння «Тарнада» з удзелам кіраўніцтва МУС Беларусі. Атрад быў створаны ў снежні.
Прэс-службы МУС і ўнутраных войскаў апублікавалі маляўнічыя ролікі выступу і на кадрах акцэнтавалі ўвагу на сцягах так званай ПВК «Вагнер», якія віселі на флагштоку разам з дзяржфлагам Рэспублікі Беларусь і, мабыць, сцягам спецназа. Гэтая ж незарэгістраваная сімволіка расейскіх баевікоў знаходзілася на пікапе з буйнакаліберным кулямётам, звяртае ўвагу Reform.by.
Афіцыйных тлумачэнняў дадзена не было. У той жа дзень прапагандыст з Russia Today Канстанцін Прыдыбайла апублікаваў пост з фота сімволікі баевікоў і заявіў, што баевікі ўвайшлі ў склад спецназа «Тарнада».
«У Беларусі «Вагнеры» ўступілі ў шэрагі спецназа ўнутраных войскаў (аналаг — Расгвардыя)», — напісаў Прыдыбайла.
Раней намеснік міністра ўнутраных спраў і камандуючы ўнутранымі войскамі Мікалай Карпянкоў заяўляў, што ўнутраныя войскі Беларусі будуць праходзіць баявое зладжванне з баевікамі ПВК «Вагнер» для вядзення сумесных баявых дзеянняў. Ён таксама распавядаў пра сустрэчу з Яўгенам Прыгожыным у Беларусі ў першыя дні пасля бунту.
Па версіі Карпянкова, баевікі ПВК павінны былі перадаць вопыт прымянення артылерыі. На кадрах, апублікаваных 14 снежня, байцы «Тарнада» сапраўды дэманструюць кіраўніцтву МУС мінамёты і боепрыпасы да іх.
Выбітыя дзверы, маскі-шоу, затрыманне топ-менеджараў. Пачаўся пагром «Еўраопта»13
Каментары
)))