Kaliści nadzvyčaj nabližany da Łukašenki, a ciapier apalny biznesmien Juryj Čyž praciahvaje sudzicca sa svaim małodšym synam Uładzimiram. Čarhovaje pasiadžeńnie, jak vynikaje ź infarmacyi na sajcie Viarchoŭnaha suda, pryznačana na 21 śniežnia, razhladać spravu budzie Minski ekanamičny sud.
Pasiadžeńnie projdzie ŭ zakrytym farmacie, pazoŭ padaŭ Juryj Čyž. Pradmiet sprečki — ab niesapraŭdnaści ździełak — ab ustanaŭleńni faktu nikčemnaści ździełki. Inšyja padrabiaznaści nie ŭdakładniajucca.
Raniej u tym ža Minskim ekanamičnym sudzie 18 lipienia razhledzieli pazoŭ Juryja Čyža da jaho syna Uładzimira ab pryznańni prava ŭłasnaści na dolu ŭ statutnym fondzie TAA «TrajpłFarm» u pamiery 90%. Pasiadžeńnie i tady zrabili zakrytym, pa jaho vynikach sud pryniaŭ rašeńnie admović u pazovie.
U mai 2023 hoda Juryj Čyž daŭ intervju vydańniu «Narodnaja Vola», u jakim raskazaŭ siarod inšaha i pra biznes-adnosiny ŭ jahonym siamiejnym kole:
«U majoj byłoj siamji nie staić zadača raźvivać biznes, usio idzie da taho, kab raspradać aktyvy… Tak, niekalki kampanij rychtujuć da bankructva, a farmaceŭtyčny biznes pradajuć. Akramia taho, raspradajuć i inšyja aktyvy, u tym liku i sacyjalnaha pryznačeńnia.
U parušeńnie pałažeńniaŭ dekreta Łukašenki pryznačyli dyrektaram STAA «TrajpFarm» mieniedžara, jakoha ja zvolniŭ z hetaj pasady pa dyskredytujučych abstavinach, z čym u svoj čas pahadziŭsia i sud. Ja napisaŭ skarhu ŭ Administracyju Łukašenki, ale bolš za dva miesiacy ničoha nie adbyvajecca. Atrymlivajecca, što dekrety možna parušać? Chaču źviarnuć uvahu, što havorka idzie pra takuju śfieru biznesu, jakaja źviazana z žyćciom čałavieka».
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram13
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi2020
Kamientary