Грамадства

Юрый Чыж працягвае судзіцца са сваім сынам

Калісьці надзвычай набліжаны да Лукашэнкі, а цяпер апальны бізнэсмен Юрый Чыж працягвае судзіцца са сваім малодшым сынам Уладзімірам. Чарговае пасяджэнне, як вынікае з інфармацыі на сайце Вярхоўнага суда, прызначана на 21 снежня, разглядаць справу будзе Мінскі эканамічны суд.

Пасяджэнне пройдзе ў закрытым фармаце, пазоў падаў Юрый Чыж. Прадмет спрэчкі — аб несапраўднасці здзелак — аб устанаўленні факту нікчэмнасці здзелкі. Іншыя падрабязнасці не ўдакладняюцца.

Раней у тым жа Мінскім эканамічным судзе 18 ліпеня разгледзелі пазоў Юрыя Чыжа да яго сына Уладзіміра аб прызнанні права ўласнасці на долю ў статутным фондзе ТАА «ТрайплФарм» у памеры 90%. Пасяджэнне і тады зрабілі закрытым, па яго выніках суд прыняў рашэнне адмовіць у пазове.

У маі 2023 года Юрый Чыж даў інтэрв'ю выданню «Народная Воля», у якім расказаў сярод іншага і пра бізнэс-адносіны ў ягоным сямейным коле:

«У маёй былой сям'і не стаіць задача развіваць бізнэс, усё ідзе да таго, каб распрадаць актывы… Так, некалькі кампаній рыхтуюць да банкруцтва, а фармацэўтычны бізнэс прадаюць. Акрамя таго, распрадаюць і іншыя актывы, у тым ліку і сацыяльнага прызначэння.

У парушэнне палажэнняў дэкрэта Лукашэнкі прызначылі дырэктарам СТАА «ТрайпФарм» менеджара, якога я звольніў з гэтай пасады па дыскрэдытуючых абставінах, з чым у свой час пагадзіўся і суд. Я напісаў скаргу ў Адміністрацыю Лукашэнкі, але больш за два месяцы нічога не адбываецца. Атрымліваецца, што дэкрэты можна парушаць? Хачу звярнуць увагу, што гаворка ідзе пра такую сферу бізнэсу, якая звязана з жыццём чалавека».

Каментары

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

На абедзе Лукашэнкі і Сі Цзіньпіна прысутнічала і адзіная дачка кітайскага лідара11

На абедзе Лукашэнкі і Сі Цзіньпіна прысутнічала і адзіная дачка кітайскага лідара

Усе навіны →
Усе навіны

«Петэн Нацыянальнага Адраджэння». Баркоўскі адказаў Пазняку ад імя «псеўдаапазіцыі»102

Былога міліцыянера, які вярнуўся з Кеніі і вёў блог пра Афрыку, асудзілі за «распальванне варожасці»1

Выпускніца, якая набрала 400 балаў па ЦТ у 2021-м, пераехала ў Расію і нахвальвае Маскву22

З'явілася новае ВІДЭА спецаперацыі СБУ «Павуцінне»: з камеры, замацаванай на самім дроне1

«Мы зноў сутыкаемся з маніпуляцыямі». Украінцы адказалі на расійскія абвінавачванні ў зацягванні абмену целамі і палоннымі

Беларуская блогерка крыкам і лаянкай рэкламуе брэнды — затое збірае мільёны праглядаў10

Расіяне вязуць у Беларусь тысячы целаў забітых вайскоўцаў для абмену3

На полі пад Барысавам заўважылі пад сотню буслоў ВІДЭА3

Астравецкі раён абышоў Мінск па заробках

больш чытаных навін
больш лайканых навін

На абедзе Лукашэнкі і Сі Цзіньпіна прысутнічала і адзіная дачка кітайскага лідара11

На абедзе Лукашэнкі і Сі Цзіньпіна прысутнічала і адзіная дачка кітайскага лідара

Галоўнае
Усе навіны →

Заўвага:

 

 

 

 

Закрыць Паведаміць