Novaha supierzłydnia kinasuśvietu Marvel pryznali vinavatym u napadzieńni i damahańniach. Jaho zvolnili z Disney
Uzychodziačaja zorka Halivuda Džonatan Mejdžars praz sud byŭ abvinavačany ŭ bytavym hvałcie nad svajoj byłoj dziaŭčynaj. Akcioru pahražaje turma, a fanatam — admiena novych «Mściŭcaŭ».
Adrazu niekalki bujnych zachodnich miedyja paviedamili pra zvalnieńnie z Disney akciora Džonatana Mejdžarsa, jaki źjaŭlajecca važnaj častkaj kinasuśvietu Marvel.
Zvolnili akciora adrazu ž paśla pasiedžańnia suda, na jakim toj byŭ aficyjna pryznany vinavatym u pryčynieńni hvałtu i damahańniach u adnosinach da svajoj byłoj dziaŭčyny, paviedamlaje The Hollywood Reporter.
«Žury prysiažnych paśla prykładna 4 hadzin abmierkavańniaŭ pryznała Mejdžarsa vinavatym pa 2 punktach abvinavačańnia z 4: u damahańniach i pryčynieńni hvałtu treciaj stupieni. Marvel Studios paśla suda vyklučyła akciora z usich svaich budučych filmaŭ», — piša The Hollywood Reporter.
Paciarpiełaja — byłaja dziaŭčyna akciora pa imieni Hrejs Džabary, jakaja 25 sakavika hetaha hoda była znojdziena palicyjaj u domie Mejdžarsa biez prytomnaści, sa śladami źbivańniaŭ i sa złamanym palcam. Palicyju vyklikaŭ sam akcior, skazaŭšy, što byccam znajšoŭ jaje ŭ takim stanie.
Padčas śviedčańniaŭ u sudzie Džabary zajaviła, što była źbitaja Mejdžarsam u mašynie jašče da pryjezdu da jaho dadomu, bo ŭbačyła ŭ jaho telefonie paviedamleńnie ad kachanki. Dziaŭčyna sprabavała ŭziać telefon u akciora, ale toj, pavodle jaje słoŭ, schapiŭ jaje ruku, załamaŭ plačo i ŭdaryŭ jaje pa hałavie, kab zabrać telefon nazad.
Zatym mašyna spyniłasia. Dziaŭčyna, pa jaje słovach, sprabavała ź jaje vyjści, adnak Miejdžars siłkom zakinuŭ jaje nazad u sałon, što zaŭvažyli kamiery nazirańnia na vulicy.
Sam Džonatan Mejdžars na sudzie abviarhaŭ usie vystaŭlenyja suprać jaho abvinavačvańni i ŭ budučyni płanuje padać apielacyju, kab «ačyścić svajo imia», kaža advakat akciora.
Aficyjny prysud pa spravie budzie vyniesieny 6 lutaha nastupnaha hoda, akcioru pahražaje da hoda turmy, pieradaje The Hollywood Reporter.
Nahadajem, što Džonatan Mejdžars debiutavaŭ u kinasuśviecie Marvel u roli novaha supierzłydnia Kanha Zavajoŭnika — piersanaža, jaki, pa komiksach, moža zaklikać da sabie na dapamohu nieźličonuju kolkaść ułasnych varyjacyj pa ŭsim multysuśviecie (u hetaj roli Mejdžars užo źniaŭsia ŭ filmie «Čałaviek-muraška i Asa: Kvantamanija», a taksama ŭ dvuch siezonach našumiełaha sieryjała «Łoki»).
Kanh Zavajoŭnik pavinien byŭ stać klučavoj fihuraj budučaha filma «Mściŭcy: Dynastyja Kanha» (zapłanavany na 2026 hod), adnak praz sud nad akcioram i jaho zvalnieńnie vychad novaha filma akazaŭsia pad vialikim pytańniem.
Jak piša The Hollywood Reporter sa spasyłkaj na krynicy, u kinastudyi Marvel jość dva varyjanty, jak vypuścić novych «Mściŭcaŭ» biez Mejdžarsa. Pieršy varyjant — znajści inšaha akciora na rolu Kanha. Druhi — zamianić supierzłydnia i źniać zusim inšy film.
Pavodle krynic vydańnia, Marvel abrała mienavita druhi varyjant, zamianiła režysiora i ŭžo nazvała novy film prosta «Mściŭcy 5». Imia novaha supierzłydnia i kandydaty na jaho rolu pakul nie viadomyja.
Kamientary