Twitch dazvoliŭ «mastackuju aholenaść». I paškadavaŭ pra heta ŭžo praz dva dni
Stryminhavaja płatforma Twitch, jakaja źmiakčyła svaju palityku ŭ dačynieńni da seksualnaha kantentu, admoviłasia ad novaŭviadzieńnia — płatformu zapoŭniŭ patok aholenaj natury, zhienieravanaj štučnym intelektam, piša Bi-bi-si.
U sieradu kampanija abviaściła, što dazvolić «darosły kantent», kali jaho možna ličyć mastackim.
Twitch tut ža zachlisnuła chvala aholenaj natury, zhienieravanaj štučnym intelektam, i ŭ paniadziełak hienieralny dyrektar kampanii Den Kłensi abviaściŭ: «Pamierkavaŭšy, my vyrašyli, što zajšli zanadta daloka z hetym źmianieńniem. Ličbavyja vyjavy aholenaj natury ŭjaŭlajuć saboj unikalnuju prablemu — štučny intelekt moža być vykarystany dla stvareńnia realistyčnych malunkaŭ, i byvaje ciažka adroźnić ličbavaje mastactva ad fatahrafii».
Choć u ramkach novaj palityki było raźmieščana niamała malunkaŭ, jakija nie parušajuć praviłaŭ Twitch, vialikaja jaho častka vyklikała zaniepakojenaść supolnaści, i kampanija padzialaje hetyja aściarohi, napisaŭ Kłensi.
«U dalejšym malunak realnaj ci vydumanaj halizny nie budzie dapuskacca na Twitch, niezaležna ad nośbita. Heta abmiežavańnie nie raspaŭsiudžvajecca na hulni z rejtynham Mature (dla darosłych)», — havorycca ŭ zajavie.
Na minułym tydni Twitch, jaki naležyć kampanii Amazon, vypuściŭ hruntoŭnaje abnaŭleńnie palityki ŭ dačynieńni da seksualnaha kantentu, dazvoliŭšy raniej zabaronienyja vyjavy, u tym liku:
- naŭmysna vydzielenyja hrudzi, jahadzicy abo vobłaść taza
- namalavanyja, animavanyja abo skulpturnyja całkam aholenyja žanočyja hrudzi, a taksama hienitalii abo jahadzicy niezaležna ad połu
- nadpisy na žanočych hrudziach i na jahadzicach, niezaležna ad połu
- eratyčnyja tancy, jakija ŭklučajuć u siabie raspranańnie abo jaho elemienty.
Novyja praviły zahadvali strymieram vyrazna paznačać najaŭnaść takoha kantentu ŭ svaich strymach, a karystalnikam prapanoŭvałasia dać zhodu na prahlad.
«Choć mnie chaciełasia b, kab my mahli pradkazać taki zychod, častka našaj pracy palahaje ŭ tym, kab unosić karektyvy ŭ intaresach supolnaści, — napisaŭ Kłensi. — Ja prynošu prabačeńni za błytaninu, jakuju vyklikała heta abnaŭleńnie».
«Niasie pahrozu dla ŭsiaho čałaviectva». Vyśvietlilisia padrabiaznaści hučnaha zvalnieńnia Altmana z OpenAI
Try biełaruskamoŭnyja strymiery patrapili ŭ aficyjnuju prahramu padtrymki Cyberpunk 2077
Na jutubie źjaviŭsia strym śmiašarykaŭ, zhienieravany niejrasietkaj. Piersanažy chočuć zachapić Polšču i ŭstupić u PVK «Vahnier»
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii13
Kamientary