Śćviardžajecca, što biełaruskaja vakcyna ad kavidu moža nieŭzabavie pastupić u abarot
Kliničnyja vyprabavańni preparatu pavinny zaviaršycca na dniach.
Ajčynnaja vakcyna raspracoŭvajecca ŭ RNPC epidemijałohii i mikrabijałohii. Dakliničnyja vyprabavańni preparatu ŭžo zaviaršylisia, ciapier preparat znachodzicca na stadyi kliničnych vyprabavańniaŭ. Ale i ich płanujuć zaviaršyć litaralna na dniach, piša Tochka.by.
«Takim čynam, nieŭzabavie možna čakać, što vakcyna budzie zarehistravanaja i moža pastupić u hramadzianski abarot», — adznačyła zahadčyca łabaratoryi hrypu i hrypapadobnych zachvorvańniaŭ RNPC epidemijałohii i mikrabijałohii Natalla Šmialova.
U sakaviku 2021 hoda Alaksandr Łukašenka daručyŭ navukoŭcam stvaryć svaju vakcynu ad karanavirusa, zajaviŭšy, što heta sprava honaru dla Minzdaroŭja i NAN Biełarusi.
Preparat u prabircy byŭ atrymany ŭžo ŭ mai 2021-ha. Heta inaktyvavanaja vakcyna, padobnaja da kitajskaj Sinopharm abo rasijskaj «Kavivak».
Jak zajaŭlaŭ raniej kiraŭnik NAN Uładzimir Husakoŭ, pratatyp vakcyny dobra pieranosicca i nie maje «pabočak». Jon taksama padkreślivaŭ, što preparat «stymuluje vypracoŭku antyciełaŭ suprać virusa SARS-CoV-2 na ŭzroŭni nie nižejšym za suśvietnyja anałahi».
U studzieni 2023 hoda stała viadoma, što biełaruskuju vakcynu ad karanavirusa testujuć na žyviołach.
«Hłavnoje»: chto staić za najbolšaj sietkaj rehijanalnych telehram-kanałaŭ Biełarusi. Jaje ślady viaduć u Rasiju4
Kamientary