Šachmatyst, jakomu źbirali hrošy na pajezdku na čempijanat śvietu, zaniaŭ 88-je miesca
26—28 śniežnia prachodziŭ čempijanat śvietu pa rapidzie (chutkich šachmatach). U im brali ŭdzieł čatyry biełarusy.
Najlepšy vynik pakazaŭ 17-hadovy Dzianis Łazavik. Jon zaniaŭ vynikovaje 31-je miesca, atrymaŭšy ŭ 13 partyjach 5 pieramoh i 6 ničyich, piša «Trybuna».
Padpisant lista za sumlennyja vybary Uładzisłaŭ Kavaloŭ zaniaŭ 88-je miesca. Jon vyjhraŭ 6 partyj i 2 partyi źvioŭ u ničyju.
Za dva tydni da turniru pry padtrymcy Biełaruskaha fondu spartyŭnaj salidarnaści byŭ abvieščany zbor na 1600 dalaraŭ, kab dapamahčy Kavalovu ŭ padrychtoŭcy da čempijanatu. Suma była sabranaja za sutki.
Taksama ŭ čempijanacie ŭdzielničaŭ 18-hadovy Maksim Caruk, jaki jašče nie źjaŭlajecca hrosmajstram. Jon zaniaŭ 96-je miesca. Jašče adzin biełarus Andrej Haraviec zaniaŭ 110-je miesca.
Čempijanat śvietu prachodziŭ u Samarkandzie (Uźbiekistan). U im udzielničała 202 šachmatysty. Pieršaje miesca zaniaŭ narviežac Mahnus Karłsien.
Ciapier čytajuć
«U vyniku jon skazaŭ mnie: «Chopić mianie šantažavać, ja chaču palubavacca hetymi drevami». Aksana Kołb raskazała, pra što razmaŭlała sa Statkievičam na miažy88
Kamientary