Rasijski vajskoviec zhubiŭ u načnym kłubie Mazyra kartku i praz heta vydaŭ svaju rakietnuju čaść
U mazyrskaj supołcy, u jakoj źmiaščajucca abjavy pra stratu rečaŭ, 27 śniežnia źjaviłasia abjava pra zhublenuju bankaŭskuju kartku rasijskaha vajskoŭca. Na jaje źviarnuŭ uvahu «Fłahštok» i vyśvietliŭ, dzie hety vajskoviec słužyć.
Abjavu apublikavaŭ rasijski vajskoviec — 19-hadovy Daniił Kabakoŭ. Kartku jon zhubiŭ u «nambiku» (načny kłub NumberOne u centry Mazyra).
Paśla straty kartki Kabakoŭ zaŭvažyŭ, što ź jaje stali śpisvacca srodki, tamu ŭ abjavie jon pryhraziŭ tamu, chto jaje znajšoŭ:«…Addaj kartu pa-dobramu, ci znojdziem sami».
Naradziŭsia Kabakoŭ u Ałapajeŭsku — depresiŭnym horadzie Śviardłoŭskaj vobłaści Rasii. U apisańni svajho profilu jon pakinuŭ sapraŭdnaje imia i proźvišča. A akramia taho, paznačyŭ i numar padraździaleńnia, u jakim słužyć: vajskovaja čaść № 31458.
Heta ŭmoŭnaja nazva 1530-ha zienitnaha rakietnaha pałka, raźmieščanaha ŭ Kamsamolsku-na-Amury (Chabaraŭski kraj Rasii). Taksama Kabakoŭ paznačyŭ i čas svajoj słužby: 2023-2025 hady.
Usie hetyja danyja vieryfikujucca pry dapamozie kadra ź videa Kabakova.
Na videaroliku z tyktoku, jaki Kabakoŭ źniaŭ paŭhoda tamu, jon u vajskovaj formie radavoha ź imiannym patčam na fonie łahatypa, jaki nahadvaje łahatyp 11-j Čyrvanaściažnaj armii VPS i SPA RF (da jaje adnosicca VČ 31458, jakaja znachodzicca ŭ Kamsamolsku-na-Amury). Pa danych z adkrytych krynic, na ŭzbrajeńni hetaha pałka znachodziacca rakietnyja kompleksy S-400 i Pancyr-S1.
Znachodžańnie rasijskaha sałdata ŭ Biełarusi možna źviazać z dysłakacyjaj rasijskaha vajskovaha kantynhientu ŭ Mazyrskim rajonie. Rasijskija vajskoŭcy źjavilisia na aeradromie Bokaŭ pierad pačatkam uvarvańnia Rasii va Ukrainu zimoj 2022 hoda. Pieršapačatkova na aeradromie bazavalisia rasijskija viertaloty, a paśla pravału nastupleńnia na poŭnačy Ukrainy aeradrom zaniali rakietčyki.
Žychary Mazyrskaha rajona nieadnarazova fiksavali puski rakiet z Mazyrskaha rajona: jak bajavyja ŭ pieršy hod uvarvańnia, tak i rakiety SPA.
Śvietłahorski kambinat ładzić u siabie sistemu abarony ad dronaŭ za 700 tysiač rubloŭ
Bajeviki «Vahniera» ŭvajšli ŭ skład śpiecnaza MUS Biełarusi? Prynamsi jość dźvie prykmiety
Prapahandysty pasprabavali asprečyć, što cieła zahinułaj ukrainskaj dziaŭčynki było ŭ mazyrskim morhu. Ale supiarečać sabie raniejšym
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia11
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary