480 polskich sałdat šukajuć elemienty abjekta, jaki ŭčora z uschodu parušyŭ pavietranuju prastoru krainy
Apieratyŭnaje kamandavańnie Uzbrojenych sił Polščy paviedamiła ab naziemnych pošukach mahčymych elemientaŭ abjekta, jaki ŭčora parušyŭ pavietranuju prastoru Polščy. Jany pravodziacca siońnia, 30 śniežnia, u Lublinskim vajavodstvie.
U pošukach buduć zadziejničany kala 480 sałdat 2-j Lublinskaj bryhady terytaryjalnaj abarony i 19-j nadbužanskaj bryhady terytaryjalnaj abarony, piša Reform.by.
«Meta pošuku — kančatkova paćvierdzić, što na polskaj terytoryi nie zastałosia nivodnaha elemienta abjekta. Dziejańni sałdat buduć prachodzić na paŭdniovy ŭschod ad Zamościa. Žycharoŭ Lublinskaha rajona prosiać pastavicca da hetaha z razumieńniem», — havorycca ŭ pres-relizie vajennaha viedamstva.
Apieratyŭnaje kamandavańnie US Polščy paviedamiła, što ranicaj 29 śniežnia ŭ pavietranuju prastoru krainy z boku Ukrainy ŭvajšoŭ nieapaznany pavietrany abjekt. Paźniej u Minabarony zajavili, što identyfikavali abjekt jak rasiejskuju rakietu. Jana praviała ŭ pavietranaj prastory Polščy amal 3 chviliny i pralacieła kala 40 km, a zatym pakinuła terytoryju krainy.
Namieśnik ministra zamiežnych spraŭ Polščy Teafił Bartašeŭski ŭručyŭ rasiejskamu dypłamatu notu, u jakoj polski MZS patrabuje ad Rasiei tłumačeńniaŭ u suviazi ź incydentam z parušeńniem pavietranaj prastory Polščy kryłataj rakietaj i nieadkładnaha spynieńnia padobnaj dziejnaści.
Ciapier čytajuć
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju2727
Kamientary