Hramadstva44

«Nikoli dvuch adnolkavych vyrabaŭ nie źviazała». Maładaja mama zarablaje na žyćcio pryhožym viazańniem

Žycharka Mahilova Volha Kasabuckaja ź dziacinstva zachaplałasia rukadziellem. A kali stała mamaj, vyrašyła z chobi zrabić asnoŭny zaniatak, jaki staŭ krynicaj dachodu. I ŭ jaje atrymałasia, piša Komkur.info.

Isnuje stereatyp: viazać śpicami, kručkom — dola babul, jakija vyjšli na piensiju. Ale Volha Kasabuckaja razburaje jaho całkam. Da statusu babuli joj jašče vielmi daloka — jana mama dźviuch dziaŭčynak-školnic, naradžeńnie jakich i paspryjała tamu, kab uziać śpicy ŭ ruki.

Volha Kasabuckaja

«Jašče padčas vučoby ŭ škole ja z zadavalnieńniem viazała, — raskazvaje Volha. — Ale heta byli adzinkavyja ekzemplary — škarpetki, šaliki, šapački — dla siabie abo dla rodnych, jakija, darečy, zaŭsiody z radaściu prymali takija padarunki. Tady ž zachapiłasia pacierkami: majstravała ŭpryhažeńni, karalami ŭpryhožvała viazanyja vyraby.

Vučoba va ŭniviersitecie Kulašova ŭ Mahilovie stała zbolšaha praciaham majho zachapleńnia — skončyła fakultet pačatkovych kłasaŭ, adździaleńnie — vyjaŭlenčaje mastactva».

Žančyna pryznajecca, što naradžeńnie pieršaj dački stała šturškom dla stvareńnia ekskluziŭnaha adzieńnia dla małych — kapialušykaŭ, kambiniezonaŭ, a da ich naboram — šalikaŭ i rukavičak.

Siabroŭki, jakija majuć dziaciej takoha ž uzrostu, pačali zakazvać maładoj mamie vyrab čahości asablivaha i dla svaich dziaciej. Dalej — bolš: usio bolšaja cikavaść da viazanych škarpetak, jakija źjaŭlajucca biassprečnym simvałam chatniaha ciapła i vyhody, i z boku darosłych «prymusiła» pašyryć liniejku prapanoŭ. Majsterskaje vałodańnie kručkom dazvoliła stvarać žanočyja ŭpryhažeńni i abiarehi.

Volha Kasabuckaja

«Maje abiarehi dla snu šmatfunkcyjanalnyja: ich forma i malunak majuć zaspakajalny efiekt, a jašče jany zdolnyja ŭpryhožyć abo ŭraznastaić luby interjer. Abiarehi stvaraju i pad zamovu, heta značyć pad kankretnaha čałavieka z ulikam jaho charaktaru, uzrostu, zachapleńniaŭ. Navat dla novanarodžanych, dla jakich vykarystoŭvaju tolki naturalnyja materyjały», — raskazvaje majstrycha.

Vyraby Volhi Kasabuckaj

Paśla naradžeńnia druhoj dački jana vyrašyła na pracu ŭ škołu nie viartacca, choć pryznajecca, što spravu svaju vielmi lubiła, jak i dziaciej, dla jakich nikoli siabie nie škadavała. Ale mienavita z hetaj pryčyny joj daviałosia b da minimumu skaracić znosiny z ułasnymi dziećmi, a jany, jak viadoma, rastuć chutka.

Vyraby Volhi Kasabuckaj

«Mahiloŭski centr zaniataści vydzieliŭ mnie dla raźvićcia svajoj spravy biazvypłatnuju subsidyju. Na hetyja hrošy ja nabyła pražu optam. Tam ža prajšła biznes-kursy, jakija dali pravavuju i ekanamičnuju asnovu dla ramieśnickaj dziejnaści.

Dla pašyreńnia asartymientu prajšła niekalki navučalnych kursaŭ, u tym liku ŭ režymie anłajn, što vielmi zručna. Dziakujučy im ja navučyłasia farbavać pražu ŭ chatnich umovach, adsočvaju modnyja trendy i tendencyi trykatažnych vyrabaŭ», — pryznajecca Volha.

Vyrab Volhi Kasabuckaj

I dapaŭniaje:

«Nikoli dvuch adnolkavych vyrabaŭ nie źviazała, navat, kali zamaŭlajuć, naprykład, dla muža i žonki škarpetki. Starajusia prydumać maleńkaje, ledź prykmietnaje adroźnieńnie. I nie tolki kab jany nie błytalisia. Nie lublu paŭtaracca».

A jašče jana pryznajecca, što viazanyja vyraby, asabliva škarpetki, na kirmašach pryciahvajuć ludziej niejkim mahičnym čynam:

«U asnoŭnym heta ludzi va ŭzroście, jakija ŭmiejuć viazać abo vučacca. Jany źbirajucca vakoł łatka, pierahladajuć i ŭspaminajuć svaje historyi z žyćcia: jak aviečak stryhli, pražu rabili, vopratku sabie viazali, dzieciam, rodnym. Uspaminajuć svajakoŭ, jakija doŭhimi zimovymi viečarami siadzieli pry kiepskim aśviatleńni i stvarali rečy, jakija i hreli, i ŭpryhožvali, i radavali.

Słuchajučy ich, ja ŭsio bolš pierakonvajusia, što viazańnie — heta nie prosta ramiastvo. Heta niejkaja suviaź pamiž pakaleńniami, heta pamiać na padśviadomym uzroŭni. Napeŭna, i tamu taksama mnie pryjemna im zajmacca».

Vyraby Volhi Kasabuckaj

Svaje vyraby Volha pradaje na kirmašach, jakija prachodziać u Mahilovie. Naprykład, škarpetki ŭ zaležnaści ad pamieru i ŭzoru kaštujuć ad 10 da 40 rubloŭ. U hetym ža samym cenavym dyjapazonie — košt šalikaŭ i rukavic. Žanočyja ŭpryhožvańni ručnoj pracy i abiarehi jaje možna kupić u Mahilovie ŭ kramie «Tybiet» (vulica Lepiašynskaha, 14). Akramia taho, Volha ŭžo niekalki hadoŭ supracoŭničaje ź minskaj kramaj «Rahna» (vulica Suchaja, 4).

Kamientary4

  • dočka Maksima Dizajniera
    04.01.2024
    a boršč zvaryć ci katlety zrabić zmoža?
  • Pravdorub
    04.01.2024
    Mołodaja mama?)
    Jej minimum 40 let!
  • Kalkulator
    05.01.2024
    Pravdorub , po moim podsčietam około 37...

Častka iranskich rakiet iznoŭ prabiła «Žalezny ščyt» Izraila, padali na žyłyja damy1

Častka iranskich rakiet iznoŭ prabiła «Žalezny ščyt» Izraila, padali na žyłyja damy

Usie naviny →
Usie naviny

«Da hetaha času nie vieru, što vyžyŭ». Raspovied adzinaha vyžyłaha ŭ katastrofie samalota Air India, jaki raźbiŭsia ŭ Achmiedabadzie

Chłopca, jaki ŭ Lebiedzievaj beściŭ Jeŭropu, asudzili za ŭdzieł u pratestach i ŭchileńnie ad vojska6

Łukašenka zapatrabavaŭ ad vajskoŭcaŭ vynajści cud-mašynu dla baraćby z dronami9

Rasijanie zapuścili ŭ Biełarusi dziŭny miesiendžar — rehistracyja pa numary telefona, a voś vydalicca možna tolki kali dazvolać34

Džon Kienedzi i Robiert Kienedzi zhulajuć na kłubnym čempijanacie śvietu pa futbole ŭ ZŠA. Pryčym u adnoj kamandzie

Pałavoje vyśpiavańnie robicca ŭsio bolš rańnim, a psichałahičnaja darosłaść — poźniaj. I heta prablema4

Dziciačy centr, jaki admoviŭ dziaŭčynie ŭ pracaŭładkavańni za biełaruskuju movu, ułady pravieryli i znajšli parušeńni2

U Izraili 1 zahinuŭ, 40 paranienych ad iranskaj balistyki. Pačałasia treciaja chvala ŭdaraŭ pa Iranie11

«Hety fest nie tolki dla kajfu». Arhanizatary fiestyvalu Tutaka raskazali pra sioletnija płany i pierśpiektyvy10

bolš čytanych navin
bolš łajkanych navin

Častka iranskich rakiet iznoŭ prabiła «Žalezny ščyt» Izraila, padali na žyłyja damy1

Častka iranskich rakiet iznoŭ prabiła «Žalezny ščyt» Izraila, padali na žyłyja damy

Hałoŭnaje
Usie naviny →

Zaŭvaha:

 

 

 

 

Zakryć Paviedamić