U Biełarusi čarhovy raz unieśli źmieny ŭ pastanovu № 713 Savieta ministraŭ «Ab sistemie rehulavańnia cenaŭ», jakaja rehuluje paradak farmavańnia cenaŭ na tavary. Adpaviedny dakumient 6 studzienia apublikavany na Nacyjanalnym pravavym internet-partale.
Pastanovaj urada № 1000 źnizili pamier maksimalnaj aptovaj i roźničnaj handlovaj nadbaŭki na dziciačaje adzieńnie, abutak i cacki.
Na dziciačaje adzieńnie i abutak dla impartnych tavaraŭ nadbaŭku źnizili z 55 da 30%, dla ajčynnych — z 55 da 40%.
U pastanovie ciapier fihurujuć 19 pazicyj dziciačaha adzieńnia, siarod ich — kurtki i palito, štany, spartyŭnyja kaściumy, śvitary, kamizelki, kašuli, sukienki, spadnicy, błuzki, bializna dla novanarodžanych i dziaciej jasielnaha ŭzrostu, majki, palčatki i rukavički, trykatažnyja šapki, kałhotki, holfy, škarpetki, majtki, pižamy i inš.
U katehoryi dziciačaha abutku 6 pazicyj, siarod ich — chatni i humovy abutak, boty, čaraviki, tufli, krasoŭki, kiedy i inš.
Što tyčycca cacak, to pamier maksimalnaj aptovaj i roźničnaj handlovaj nadbaŭki źnizili tolki dla pradukcyi biełaruskich vytvorcaŭ — z 40 da 30%, ciapier jana roŭnaja nadbaŭcy na impartnyja tavary.
Čytajcie taksama:
U Biełarusi ŭviali adziny majomasny płaciež
Z nastupnaha hoda vyraście padatak na pieršuju kvateru
Ciapier čytajuć
Mabilnym apierataram zabaranili zahaniać biełarusaŭ u vialiki minus8
Mabilnym apierataram zabaranili zahaniać biełarusaŭ u vialiki minus
Viadomy partret Kahanca akazaŭsia savieckim fejkam, zatoje znajšłosia adzinaje fota archieołaha Tatura. Razhadanyja fotatajamnicy Biełaruskaha muzieja ŭ Vilni
Kamientary