Spravu «Bajpoła» pačnuć razhladać praz dva tydni. Upieršyniu mohuć zavočna vynieści śmiarotny prysud
Pasiadžeńnie adbudziecca ŭ Minskim haradskim sudzie.
22 studzienia ŭ Biełarusi zavočna pačnuć razhladać spravu «Bajpoła», paviedamlaje Viarchoŭny sud.
Sudzić źbirajucca ciapierašnich i raniejšych udzielnikaŭ inicyjatyvy byłych siłavikoŭ «Bajpoł»: Alaksandra Azarava, Uładzimira Žyhara, Maćvieja Kuprejčyka, Ihara Łobana, Andreja Astapoviča, Aleha Talerčyka. Spravu rasśledavali ŭ paradku śpiecvytvorčaści.
Usich fihurantaŭ abvinavačvajuć u «raspalvańni sacyjalnaj varožaści», «zmovie z metaj zachopu abo ŭtrymańnia dziaržaŭnaj ułady niekanstytucyjnym šlacham» i «stvareńni ekstremisckaha farmavańnia».
Najbolšuju kolkaść artykułaŭ vystavili Alaksandru Azaravu, adzin ź ich moža pahražać śmiarotnym pakarańniem, robić vysnovu Radyjo Svaboda.
Pavodle Viarchoŭnaha suda, dziejnaść abjadnańnia, pryznanaha ekstremisckim farmavańniem, «viałasia šlacham praviadzieńnia prapahandysckaj pracy siarod pratesnaj častki nasielnictva i kansalidacyi hetych asob, vypracoŭki mier cisku na sistemu dziaržaŭnaha kiravańnia, akazańnia fizičnaha i psichałahičnaha ŭździejańnia na pradstaŭnikoŭ dziejnaj ułady praz raźmiaščeńnie ŭ adkrytym dostupie ŭ internecie ich asabistych źviestak, a taksama źviestak ich siamiejnikaŭ, u tym liku małaletnich i niepaŭnaletnich dziaciej».
U nahladalnickim viedamstvie ličać, što niekatoryja ŭdzielniki «Bajpoła» raspracavali «śpiecyjalnuju apieracyju Mabilizacyjny płan «Pieramoha», a taksama «paŭtorna vystupili stvaralnikami i kiraŭnikami farmavańniaŭ «Abjadnany pierachodny kabiniet« i «Paspalitaje rušeńnie«, paźniej taksama pryznanych ekstremisckimi.
U Minsku zaviaršyli budaŭnictva piacizorkavaha hatela na miescy kolišniaha «Biełekspa»9
U Minsku zaviaršyli budaŭnictva piacizorkavaha hatela na miescy kolišniaha «Biełekspa»
«Fury raściahnulisia na kiłamietry. Stajać uzdoŭž darohi — prosta, bokam. Stajać u poli». Vidavočca raskazaŭ pra situacyju pierad «Kamiennym Łoham»1010
«Fury raściahnulisia na kiłamietry. Stajać uzdoŭž darohi — prosta, bokam. Stajać u poli». Vidavočca raskazaŭ pra situacyju pierad «Kamiennym Łoham»10
Sumleńnie, kachańnie, koły piekła i halivudski finał. U siamji budaŭnika i biblijatekarki z Pružanskaha rajona Ihara i Julii Łaptanovičaŭ aryštavali spačatku jaho, paśla — jaje, a paśla i babulu33
Kamientary
Adny tolki roliki na jutubie i nul realnaj pracy.