U Maskoŭskim abłasnym sudzie pačałosia słuchańnie materyjałaŭ kryminalnaj spravy ab dyviersii, ździejśnienaj u čyhunačnym depo padmaskoŭnaha Arechava-Zujeva. Pavodle abvinavačvańnia, uradžency Biełarusi Arciom Breski i Kirył Baśko pa zadańni SBU padpalili kabinu elektravoza UŁ-10.
Za hetuju akcyju, pa materyjałach spravy, chłopcy atrymali ad pradstaŭnika ŭkrainskaj raźviedki 65 tysiač rasijskich rubloŭ (kala 720 dalaraŭ). Paśla zatrymańnia jany pryznali vinu i stali supracoŭničać sa śledstvam u raźliku na bolš miakkaje pakarańnie, bo pa inkryminavanym im artykule pahražaje da 20 hadoŭ pazbaŭleńnia voli, piša Kommersant.ru.
Kiryłu Baśko — 19 hadoŭ, Arciomu Breskamu — 20 hadoŭ. Śćviardžajecca, što jany ździejśnili dyviersiju 22 śniežnia 2022 hoda pa ŭkazańni niejkaha Juryja, ź jakim maładyja ludzi paznajomilisia ŭ adnym z telehram-kanałaŭ. Niezadoŭha da hetaha abodva fihuranty zvolnilisia z pracy i mieli patrebu ŭ hrošach.
Mienavita Juryj i prapanavaŭ im hrošy za paškodžańnie čyhunačnych šlachoŭ abo łakamatyva. Za heta zakazčyk paabiacaŭ fihurantam 65 tysiač rubloŭ, paśla taho jak jon atrymaje ad ich videaspravazdaču ab praviadzieńni akcyi.
Jany ŭziali kanistru ź bienzinam. Pozna ŭviečary 22 śniežnia 2022 hoda, havorycca ŭ spravie, pranikli na terytoryju čyhunačnaha depo Arechava-Zujeva. Spačatku, pa dadzienych śledstva, jany pasprabavali padpalić elektravoz UŁ 10 zvonku, abliŭšy jaho bienzinam. Ale z hetaj zadumy ŭ ich ničoha nie vyjšła.
Tady chłopcy, pavodle viersii śledstva, zdoleli vyjavić kabinu mašynistaŭ, raźlili bienzin unutry i padpalili jaho. Usie padziei jany źniali na videa, jakoje adasłali zakazčyku Juryju. Toj nie padmanuŭ i pieraličyŭ na paznačany vykanaŭcami rachunak 65 tysiač.
Na hetym, pa danych supracoŭnikaŭ FSB, maładyja ludzi vyrašyli nie spyniacca. Praź niekalki dzion jany nabyli ŭžo dźvie kanistry ź bienzinam i schavali ich u chostele, dzie zvyčajna načavali. Adnak niebiaśpiečnuju vadkaść vyjaviła prybiralščyca, jakaja paviedamiła pra znachodku haspadaram ustanovy, a tyja — siłavikam.
Maładyja ludzi byli zatrymanyja apieratyŭnikami śpiecsłužbaŭ na stancyi Maskva-Kurskaja.
Kirył Baśko i Arciom Breski vinu pryznali adrazu ž paśla zatrymańnia. Pa słovach ich advakata, abodva fihuranty aktyŭna supracoŭničali sa śledstvam i raspaviali ŭsio, što im było viadoma ab zakazčyku złačynstva. Zrešty, zatrymać apošniaha naŭrad ci mahčyma, pakolki siłaviki ličać, što jon dziejničaŭ, chutčej za ŭsio, z-za miažy.
Dvuch biełarusaŭ aryštavali ŭ Maskvie i abvinavacili ŭ padpale elektravoza
U Połacku adbylisia zatrymańni z nahody dyviersii ŭ rasijskim tuneli, u jakoj abvinavačvajuć biełarusa
Zatrymany za dyviersiju ŭ rasijskim tuneli biełarus — šmatdzietny baćka, jaki nie zmaŭčaŭ u 2020-m
Sud u Omsku aryštavaŭ na 53 dni biełarusa, jakoha abvinavačvajuć u terakcie na BAMie
Ciapier čytajuć
Łukašenka patłumačyŭ, čamu jaho nie vidać pa sieradach i subotach20
Łukašenka patłumačyŭ, čamu jaho nie vidać pa sieradach i subotach
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary