Mody6262

Na sustrečy z Łukašenkam Natalla Kačanava parušyła adrazu try praviły dziełavoha dres-kodu

Staršynia Savieta Respubliki Natalla Kačanava pryjšła na naradu da Łukašenki ŭ nienaležnym vobrazie. Śpiecyjalist pa pratakole tłumačyć, što nie tak z aŭtfitam čynoŭnicy.

Za apošnija dva dziasiatki hadoŭ praviły dziełavoha dres-kodu prykmietna pamiakčeli. Harnitury stali bolš raznastajnymi i mieniej aficyjnymi, a ofisny styl adaptavaŭsia pad pavievy mody. Najbolšyja źmieny źviedała žanočaje dziełavoje adzieńnie: kaściumy sa štanami, šyrakaplečyja pinžaki, hrubyja čaraviki i mužčynskija kašuli tryvała ŭvajšli ŭ harderoby dam, jakija šturmujuć ofisny Alimp.

Adnak pamiakčeńnie zakranuła nie ŭsie hrupy: u palitycy i na dypłamatyčnaj słužbie abmiežavańni dres-kodu pa-raniejšamu zastajucca strohimi. Niaviedańnie bazavych zakonaŭ biznes-etykietu prademanstravała Natalla Kačanava.

Što nie tak z łukam čynoŭnicy

U śviecie palityki ŭsie dziełavyja mierapryjemstvy padzialajucca na try stupieni kansiervatyŭnaści — dla kožnaj praduhledžany svoj asabisty dres-kod. Adstupleńnie ad pravił moža pryvieści da dypłamatyčnych skandałaŭ i niepryjemnych kanfuzaŭ.

Tak, samym prostym pa stupieni strohaści źjaŭlajecca Business Casual. Dziełavy styl «na kožny dzień» dapuskaje raznastajnaść u kalarovaj palitry i pryntach, a taksama dazvalaje žančynam zamianiać dziełavyja błuzy i žakiety na trykatažnyja sety.

Business Traditional — dres-kod dla aficyjnych sustreč i pieramovaŭ, jaki padkreślivaje prynaležnaść čałavieka da miru biznesu i tranśluje jaho status. Hety styl choć i dazvalaje niekatoruju raznastajnaść koleraŭ, ale, u adroźnieńnie ad Business Casual, jaho palitra abmiežavana spakojnymi, strymanymi adcieńniami.

Business Best — samy kansiervatyŭny dres-kod. Mienavita jaho pavinny prytrymlivacca čynoŭniki na aficyjnaj sustrečy ź pieršaj asobaj dziaržavy. Narada ŭ Łukašenki — jakraz takaja nahoda.

Kačanava
Fota: telehram-kanał «Puł pieršaha»

Budučy samym strohim, Business Best maje najbolšuju kolkaść pravił i abmiežavańniaŭ — asabliva dla žančyn. Tak, panienki, zaprošanyja na mierapryjemstvy ŭzroŭniu BB, pavinny być apranuty ŭ kaścium-dvojku sa spadnicaj pa kalena.

Z abutku abirajucca kłasičnyja tufli-łodački na abcasie da 7 sm. Boty, jakija vybrała Kačanava — stroha niedapuščalnyja. Jany pakazvajuć, što čynoŭnica zalenavałasia pieraabucca ci ŭvohule nie ličyć naradu ŭ Łukašenki dastatkovaj padstavaj, kab vykanać praviły dziełavoha etykietu.

Abaviazkovaj umovaj dla žančyn źjaŭlajecca dzionny makijaž u niejtralnych adcieńniach. Bajavaja razmaloŭka ŭ duchu 80-ch z čornaj padvodkaj pa nižnim pavieku — vierch nieprystojnaści. Zrešty, navat pa-za miežami Pałaca niezaležnaści taki makijaž padydzie tolki dla tematyčnaj retra-viečarynki.

Kačanava
Fota: president.gov.by

Nie dapuskaje Business Best i doŭhich paznohciaŭ. Mindalepadobnaja forma manikiuru čynoŭnicy taksama vybivajecca z hetaha praviła. Na ščaście, koler jaje łaku abrany pravilna — niudavyja i pastelnyja adcieńni vydatna padychodziać dla sustreč takoha ŭzroŭniu.

Zrabić try pamyłki stylu ŭ adnym aŭtficie składana, ale Natalli Kačanavaj heta ŭdałosia. Ci vyklikana takoje hrebavańnie dres-kodam niaviedańniem asnovaŭ dziełavoha etykietu ci pakazvaje jaje staŭleńnie da Łukašenki — zastajecca tolki zdahadvacca.

Kamientary62

  • Bierviano ŭ Voku
    11.01.2024
    A "ministarku kultury" Koŭšyk, jakaja dniami da Cichanoŭskaj pryjšła ŭ takich ža botach i ź jaskrava čyrvonymi paznohciami, słabo praanalizavać? Nie kažučy ŭžo pra "ministarku sacyjalnaj pracy" Harbunovu, jakaja zaŭsiody jak byccam z chlava niejkaha prychodzić.
  • Vadzim
    11.01.2024
    Ciarpieć nie mahu dres kody. 18m stahodździem vieje
  • N
    11.01.2024
    Eta budaščy prezident ka

Ciapier čytajuć

Navukoviec raspavioŭ pra hieałahičnyja zahadki Biełarusi: irtuć ź ziamli i kratar ad padzieńnia mietearyta, jaki źniščyŭ usio žyvoje ŭ radyusie tysiač kiłamietraŭ3

Navukoviec raspavioŭ pra hieałahičnyja zahadki Biełarusi: irtuć ź ziamli i kratar ad padzieńnia mietearyta, jaki źniščyŭ usio žyvoje ŭ radyusie tysiač kiłamietraŭ

Usie naviny →
Usie naviny

Łukašenka: Minski rajon — heta prybiralnia horada-hieroja Minska5

«Rodnieńki!» Redki čorny busieł usio ž taki viarnuŭsia na Kleččynu — spaźniŭsia na miesiac1

Piatruchin nie zdajecca: choča, kab KR zasłuchała 17-hadovaha «startapiera». Ale bieź jaho baćkoŭ hetaha rabić nielha18

Što apranać u samalot, a što — ni ŭ jakim razie: parady ściuardesy5

«Rak prosta zdarajecca. Nichto ŭ im nie vinavaty»23

Navukoŭcy Akademii navuk nazvali spraviadlivuju canu na biełaruskuju bulbu9

U Vjetnamie karalevu pryhažości aryštavali za padman z cukierkami

Pad Minskam źjavicca novaja daroha. Jaje košt aceńvajecca ŭ miljon dołaraŭ2

Vieteranu z Hrodna 97 hadoŭ — u 1945-m achoŭvaŭ most pad Nižnim Noŭharadam, a paśla vajny zmahaŭsia z «banderaŭcami»26

bolš čytanych navin
bolš łajkanych navin

Navukoviec raspavioŭ pra hieałahičnyja zahadki Biełarusi: irtuć ź ziamli i kratar ad padzieńnia mietearyta, jaki źniščyŭ usio žyvoje ŭ radyusie tysiač kiłamietraŭ3

Navukoviec raspavioŭ pra hieałahičnyja zahadki Biełarusi: irtuć ź ziamli i kratar ad padzieńnia mietearyta, jaki źniščyŭ usio žyvoje ŭ radyusie tysiač kiłamietraŭ

Hałoŭnaje
Usie naviny →

Zaŭvaha:

 

 

 

 

Zakryć Paviedamić