Vyraście padatak na arendu žytła. A ŭłaśniki vialikich kvater i katedžaŭ buduć płacić padatak u dvajnym i navat trajnym pamiery

Padatki dla tych, chto zdaje nieruchomaść u arendu

Z 1 studzienia 2026 hoda płanujuć źmianić staŭki fiksavanych padatkaŭ na zdaču ŭ arendu žytła i inšych pamiaškańniaŭ.

Staŭki buduć nastupnyja: 

— Minsk — 53 rubli (było 50);

— abłasnyja centry i Minski rajon — 49 rubloŭ (było 46);

— Baranavičy, Babrujsk, Barysaŭ, Vaŭkavysk, Horki, Dziaržynsk, Žłobin, Žodzina, Kobryn, Kryčaŭ, Lida, Mazyr, Maładziečna, Navahrudak, Navapołack, Orša, Asipovičy, Pinsk, Połack, Rečyca, Śvietłahorsk, Słonim, Słuck, Smalavičy, Smarhoń, Salihorsk, Fanipal — 33 rubli (było 31);

– inšyja nasielenyja punkty — 20 rubloŭ.

Staŭka prymianiajecca za kožny žyły pakoj, jaki zdajecca. To-bok kali zdajecca dvuchpakajovaja kvatera, to da jaje kaeficyjent ×2, trochpakajovaja — ×3 i hetak dalej.

Što tyčycca karotkaterminovaj arendy, to staŭki z nastupnaha hoda płanujuć pavysić bolš istotna.

Dla fizičnych asob, nie zarehistravanych u jakaści IP, staŭki z 2026 hoda mohuć vyhladać tak (za kožnuju kvateru, žyły dom, sadovy domik, daču):

— Minsk — 519 rubloŭ (było 486);

— abłasnyja centry i Minski rajon — 481 rubiel (było 451);

— Baranavičy, Babrujsk, Barysaŭ, Žłobin, Žodzina, Lida, Mazyr, Maładziečna, Navapołack, Orša, Pinsk, Połack, Rečyca, Śvietłahorsk, Słuck, Salihorsk — 357 rubloŭ (było 335);

– inšyja nasielenyja punkty — 318 rubloŭ (było 298).

Taryf dla indyvidualnych pradprymalnikaŭ:

— Minsk — 750 rubloŭ (było 703);

— abłasnyja centry i Minski rajon — 699 rubloŭ (było 655);

— Baranavičy, Babrujsk, Barysaŭ, Žłobin, Žodzina, Lida, Mazyr, Maładziečna, Navapołack, Orša, Pinsk, Połack, Rečyca, Śvietłahorsk, Słuck, Salihorsk — 367 rubloŭ (było 344);

– inšyja nasielenyja punkty — 325 rubloŭ (było 305).

Ułaśnikam vialikich damoŭ i kvater daviadziecca raskašelicca

Prajekt praduhledžvaje prymianieńnie pavyšanych kaeficyjentaŭ padatku na nieruchomaść. Sam padatak na nieruchomaść składaje 0,1% ad koštu nieruchomaści pavodle raźlikovaha koštu adnaho kvadratnaha mietra, vyznačanaha ŭ Padatkovym kodeksie na 1 studzienia adpaviednaha hoda.

Dla ŭłaśnikaŭ adnakvaternych damoŭ (katedžaŭ) uvodzicca hradacyja ŭ zaležnaści ad płoščy. 

Za damy płoščaj da 200 kvadrataŭ — standartnaja staŭka. Dla damoŭ płoščaj ad 200 da 300 kvadrataŭ źbirajucca prymianiać kaficyjent ch2, a kali płošča bolšaja za 300 kvadrataŭ — ch3.

Pavialičyć

To-bok za dom na 100 kvadrataŭ u miežach Minska treba budzie zapłacić 87 rubloŭ padatku. Kali dom na 250 kvadrataŭ — kala 435 rubloŭ, a kali dom maje płošču 301 kvadrat, to ŭžo 787 rubloŭ.

Dla kvater praduhledžana nastupnaja hradacyja:

— da 150 kvadrataŭ dziejničaje standartnaja staŭka;

— ad 150 da 250 budzie prymieniacca kaeficyjent ch2;

— kali płošča kvatery bolšaja za 250 — ch3.

Atrymlivajecca, što za kvateru płoščaj 100 m² padatak budzie składać 109 rubloŭ, za 200 mietraŭ — užo 218 rubloŭ, a za kvateru na 251 m² — 820 rubloŭ.

Pavyšalnyja kaeficyjenty prymianiajucca tolki dla fizičnych asob.

• 0
• 0
• 0
• 0
• 0
• 0
• 0
• 0